भुसावळात रेल्वे वॅगनमधून डिझेलची चोरी

भुसावळ (जळगाव) : रेल्वे वॅगनमधून पेट्रोलसह डिझेल चोरीच्या घटनांना काही वर्षांपासून ब्रेक लागला असताना रेल्वे लाइनीजवळ काही कॅनमध्ये डिझेल सापडल्याने खळबळ उडाली. (jalgaon-bhusawal-junction-Diesel-stolen-from-railway-wagon-in-Bhusawal)

रेल्वे लाइनीजवळ झुडपांमध्ये डिझेलच्या कॅन असल्याची माहिती सुज्ञ नागरिकांनी माध्यमांना दिल्यानंतर ही बाब रेल्वे सुरक्षा बलाला कळवण्यात आली. रेल्वे सुरक्षा बलाचे वरिष्ठ आयुक्त क्षितिज गुरव यांनी तत्काळ सहायक आयुक्त बी. पी. कुशवाह आणि रेल्वे यार्डाचे आरपीएफ निरीक्षक दयानंद यादव यांनी दखल घेण्याची कळवल्यानंतर अधिकाऱ्यांनी पाहणी केली असता डीझेलने भरलेल्या तीन कॅन आणि दोन तुटलेल्या कॅन आढळल्याने त्या जप्त करण्यात आल्या. दुपारी अडीच वाजेच्या सुमारास ही कारवाई करण्यात आली.

घटनास्थळी भेट

रेल्वे सुरक्षा बलाने रेल्वे यार्डात डिझेल चोरी प्रकरणी गुन्हा दाखल केला आहे. रेल्वे सुरक्षा बल आयुक्तांनी केली पाहणी रेल्वे सुरक्षा बल आयुक्त क्षितिज गुरव यांनी डिझेल चोरी प्रकरणानंतर घटनास्थळी भेट दिली. नेमक्या कॅन या भागात कुणी आणल्या याचा शोध घेण्याचे आदेश गुरव यांनी दिले आहेत.