जळगाव जिल्‍ह्‍यात नवीन ४८ रूग्‍णांची वाढ; ४९ झाले बरे

जळगाव : जिल्‍ह्‍यातील कोरोना संसर्ग पुर्णपणे गेलेला नाही. दिवसभरातून बाधितांची संख्या वाढतीच आहे. तुलनेत संख्या कमी असली तरी आतापर्यंत सात- आठ तालुक्‍यात एक देखील रूग्‍ण आढळून येत असताना केवळ पाच तालुक्‍यात शुन्य रूग्‍ण आढळून आले. तर दुसरीकडे जळगाव शहर आणि मुक्‍ताईनगर तालुक्‍यात सर्वाधित रूग्‍ण आढळून आले.

कोरोना संसर्गाचा जिल्हा प्रशासनाकडून प्राप्त झालेल्या अहवालानुसार जिल्ह्यात आज दिवसभरात ४८ नवीन कोरोना बाधित रुग्ण आढळून आले आहेत. तर दुसरीकडे ४९ रुग्णांनी कोरोनावर मात केली असून आज एका रुग्णाचा मृत्यू झाला आहे. आजच्या वाढलेल्‍या रूग्‍णांमुळ जिल्ह्यात आतापर्यंत रुग्णांची एकुण संख्या ५५ हजार ५५ पर्यंत पोहचली आहे. तर ५३ हजार ३३७ रूग्ण बरे होवून घरी परतले आहेत. 

मृत्‍यूचा आकडा चिंतेचा
कोरोनामुळे मृत्‍यू होण्याचे अद्याप देखील थांबलेले नाही. रोज एक तरी रूग्‍णाचा कोरोनामुळे मृत्‍यू होत आहे. यात आज देखील एका रुग्णाचा मृत्यू झाला असून आतापर्यंत १ हजार ३१३ रुग्णांचा मृत्यू कोरोनामुळे झाल्‍याची नेांद आहे. तर कोरोनाची लागण झालेल्‍यांमध्ये सद्यस्‍थितीला ४०५ रुग्ण उपचार घेत आहेत.
 
असे आढळले रूग्‍ण
जळगाव शहर ११, जळगाव ग्रामीण १, भुसावळ ८, पाचोरा ०१, यावल ०३, जामनेर ०४, रावेर ०२, पारोळा ०१, चाळीसगाव ०४, मुक्ताईनगर ११, बोदवड ०१, इतर जिल्ह्यातील १ असे एकुण ४८ रूग्ण कोरोनाबाधित आढळून आले आहे. तर अमळनेर, चोपडा, भडगाव, धरणगाव, एरंडोल या चार तालुक्‍यात एक देखील रूग्‍ण आढळून आला नाही.