जळगावात नगरसेवकावर हल्ला;अवैध्य दारू विक्रेत्यांकडून मारहाण

जळगाव ः जळगाव शहरातील शिवाजीनगर परिसरातील प्रभाग क्रमांक दोनचे नगरसेवक नवनाथ दारकुंडे (Corporator Navnath Darkunde) यांच्यावर अवैध्य दारु विक्रेत्यांनी (Illegal liquor dealers)हल्ला (Attack) करून मारहाण केल्याची घटना आज दुपारी बाराच्या सुमारास शिवाजीनगरातील लाकुड पेठ येथे घडली. या घटनेत नगरसेव दारकुंडे व एक तरुण जखमी झाला आहे.

जळगाव शहरातील शिवाजीनगरातील लाकुडपेठ परिसरातील जूना जकात नाक्याचे अतिक्रमण काढण्याचे काम महापालिकेच्या अतिक्रमण निर्मूलन विभागाकडून सुरू होते. यावेळी नगरसेवक नवनाथ दारकुंडे उपस्थित असतांना जवळील अवैध्य दारु विक्रत्यांनी त्यांच्याशी हुज्जत घालून वाद घातला. तीन ते चार जणांशी नगरसेवकांचा वाद वाढत जावून हाणामारी झाली. त्यात नगरसेवक दारकुंडेना मारहाण झाली. याबाबत शहर पोलिस ठाण्यात तक्रार दाखल केली आहे.

पोलिस स्टेशनमध्ये वाद

घटना घडल्यानंतर पोलिसांमध्ये तक्रार देण्यासाठी नगरसेवक दारकुंडे पोहचले कार्यकर्त्यांसह पोहचले. त्यावेळी विरोधी गटातील तक्रार देण्यासाठी पोहचले असता काही क्षणासाठी पून्हा त्यांच्यात वाद निर्माण झाला होता.

जळगावात गुन्हेगारी वाढतेयं

जळगाव शहरात गुन्हेगारीच्या घटना वाढत असून पोलिस प्रशासनाचा वचक कमी झालेला दिसत आहे. काही दिवसापूर्वी उमहापौर कुलभूषण पाटील यांच्यावर गोळीबार झाला होता. तर आज शिवसेना नगरसेव नवनाथ दारकुंडे यांच्यावर हल्ला झाला आहे.