जळगाव : जिल्ह्यात दररोज कोनोनबाधितांचा आकडा वाढतच असून दिवसेंदिवस कोरोनाचा कहर सुरुच आहे. आज दिवसभरात जिल्ह्यात कोरोनाचे नवे 75 रुग्ण आढळून आले आहे. त्यामुळे जिल्ह्यातील कोरोनाबाधितांचा आकडा हा 1725 इतका झाला आहे.
देशासह राज्यात कोरोनाने हाहाकार माजविला असून सर्व परिस्थिती अत्यंत बिकट होत चालली आहे. बाधितांच्या संख्येत हजारोने वाढ होत असल्याने शासनासह प्रशासनाची चिंता चांगलीच वाढलेली आहे. जिल्ह्यात देखील दररोज शेकडो रुग्ण आढळून येत असल्याने परिस्थिती अत्यंत गंभीर बनत चालली आहे. आज दिवसभरात जिल्ह्यात कोरोनाचे नवे 75 रुग्ण आढळून आले आहे. यामूळे जिल्ह्यातील बाधितांची संख्या ही 1728 इतकी झाली आहे.
जळगावात आढळले आज सर्वाधिक रुग्ण
जिल्ह्यात आज 75 नवे रुग्ण आढळून आले आहे. यामध्ये जळगाव शहरात आज 15 तर रावेर व पारोळा तालुक्‍यात प्रत्येकी 10 असे रुग्ण आढळून आले आहे. शहरासह ग्रामीण भागात रुग्ण संख्या झपाट्याने वाढत असल्याने हा संसर्ग रोखणे हे आव्हानात्मक बनले आहे.
दोन तालुके तीनशे पार
जिल्ह्यात जळगाव व भुसावळ हे दोन तालुके हॉटस्पॉट ठरले आहे. या तालुक्‍यात दररोज रुग्ण आढळून येत असल्याने हा संसर्ग रोखण्यासाठी प्रशासकीय यंत्रणा काम करीत आहे. यामध्ये जळगावातील रुग्ण संख्या ही 312 तर भुसावळातील रुग्ण संख्या ही 309 असल्याने हे दोन तालुके तीनशे पार गेले असून याठिकाणी कोरोना संसर्ग रोखणे आवश्‍यक आहे.
या तालुक्‍यात आढळले रुग्ण
जळगाव जिल्ह्यात आज 75 नवे रुग्ण आढळून आले आहे, यामध्ये जळगव शहर 15, जळगाव ग्रामीण 2, भुसावळ 6, अमळनेर 6, पाचोरा 3, धरणगाव 4, यावल 3, एरंडोल 8, जामनेर 3, रावेर 10, पारोळा 10, बोदवड 2, इतर जिल्ह्यातील 2 तर चाळीसगावातील एक असे रुग्ण आढळून आले आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.