यावल (जळगाव) : चुलत आत्याच्या पतीने भाचीवरच अतिप्रसंग करण्याचा प्रयत्न करून मामा-भाचीच्या नात्याला काळीमा फासला आहे. ही घटना यावल तालुक्यात आदिवासी पाड्यावर घडली. तालुक्यातील दुर्गम भागातील जामुनझिरा या आदिवासी पाड्यावर अल्पवयीन मुलीचा विनयभंग करत तिच्यावर अतिप्रसंग करण्याचा प्रयत्न केल्यावरून एका संशयिताविरुद्ध येथील पोलिस ठाण्यात गुन्हा दाखल करण्यात आला आहे. (jalgaon-Molestation-of-minor-girl-uncle-torture)
जामुनझिरा येथे २३ जूनला दुपारी अडीच ते चारच्या दरम्यान पीडित १२ वर्षीय मुलीची आई शेतात पेरणीसाठी गेली असता त्यांच्या घराशेजारी राहणारा संशयित रमा देवसिंग बारेला याने मुलीच्या घरात घुसून तिला घराशेजारील गुरांच्या चाऱ्याच्या खोली नेऊन अश्लील कृत्य करीत विनयभंग करून तिच्यावर अतिप्रसंग करण्याचा प्रयत्न केला. याप्रसंगी पीडित मुलीने आरडाओरड केल्यावर संशयित रमा बारेला घटनास्थळावरून फरार झाला.
कुटुंबीयांना उशिराने समजली घटना
पीडित मुलीने ही घटना आपल्या कुटुंबीयांना उशिरा सांगितली. पीडित मुलीच्या आईने सोमवारी (ता.२८) येथील पोलिस ठाण्यात गुन्ह्यातील संशयित रमा देवसिंग बारेला याच्या विरुद्ध तक्रार दिल्यावरून विनयभंगासह पोक्सो कलमान्वये गुन्हा दाखल करण्यात आला असून, पोलिस निरीक्षक सुधीर पाटील यांच्या मार्गदर्शनाखाली उपनिरीक्षक विनोद खांडबहाले तपास करीत आहेत. गुन्हा केल्यापासून संशयित फरार आहे.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.