Market Committee Election : बाजार समितीसाठी दिग्गजांची प्रतिष्ठा पणाला; 7 केंद्रांवर मतदान

Jalgaon News : बाजार समितीच्या निवडणुकीसाठी जी. एस. हायस्कूल येथे शुक्रवारी (ता.२८) सकाळी ८ ते दुपारी ४ पर्यंत मतदान होणार आहे. (Market Committee Election Polling at seven centres today 28 april jalgaon news)

सोळा जागांसाठी ५३ उमेदवार रिंगणात असून, महाविकास आघाडीचे सहकार पॅनल, भाजप पुरस्कृत आपले शेतकरी विकास पॅनल तर गावरान जागल्या संघटना व आप पुरस्कृत शेतकरी शोषणमुक्ती पॅनलमध्ये तिरंगी लढत होत आहे.

जी. एस. हायस्कूल येथील एकूण सात केंद्रांवर मतदान होणार असून, मतदान केंद्र १ ते ३ सोसायटी मतदारसंघ, मतदान केंद्र ४ ते ६ वर ग्रामपंचायत मतदारसंघ तर मतदान केंद्र ७ वर हमाल मापाडी मतदारसंघासाठी मतदान प्रक्रिया पार पडणार आहे.

हेही वाचा : संतुलित आहारातून रोखा फॅटी लिव्हरचा आजार

आजी, माजी आमदारांची प्रतिष्ठा पणाला लागली असून, तालुक्याच्या भविष्याच्या राजकारणावर परिणाम करणारी ही निवडणूक ठरणार आहे.

आमदार अनिल पाटील व माजी आमदार कृषिभूषण साहेबराव पाटील यांच्या नेतृत्वात महाविकास आघाडी तर माजी आमदार शिरीष चौधरी, स्मिता वाघ व डॉ. बी. एस. पाटील यांच्या नेतृत्वात आपले शेतकरी विकास पॅनल निवडणुकीत उतरले आहे.