निवृत्ती महाराज देशमुख इंदोरीकर यांचे कीर्तन पडले चांगलेच महागात

मेहुणबारे (ता. चाळीसगाव)- कोरोना प्रादुर्भावाची श्क्यता आणि वेळेच्या मर्यादेचे उल्लंघन करून प्रसिद्ध कीर्तनकार निवृत्ती महाराज देशमुख इंदोरीकर यांचे कीर्तन आयोजीत करणाऱ्या आयोजकाला चांगलेच महागात पडले आहे. सायगाव (ता. चाळीसगाव) येथील आयोजकाच्या विरोधात मेहूणबारे पोलीस ठाण्यात गुन्हा दाखल करण्यात आला आहे त्यामुळे एकच खळबळ उडाली आहे

या घटनेची मेहूणबारे पोलीसांनी दिलेली माहिती अशी की, सायगाव, (ता. चाळीसगांव) येथे (ता. 21) रोजी सायगाव ते नांदगाव रोड लगत असलेल्या मोकळ्या पटांगणात सार्वजनिक जागी कोरोना विषाणूचा प्रादुर्भाव वाढण्याची शक्यता असल्याची माहिती असुन देखील ह.भ.प निवृत्ती महाराज देशमुख इंदुरीकर यांचे कीर्तन सोहळ्याचे जाणीवपूर्वक रात्री उशिरापर्यंत आयोजन केले व वेळेच्या मर्यादेचे उल्लंघन करून जनसमुदाय जमवला. तसेच जिल्हाधिकारी जळगाव यांचे कडील आदेशाचे उल्लंघन केले आणि लोकांचे जीवितास धोका असलेल्या कोरोना रोगाचा संसर्ग पसरविण्याची घातक कृती केली म्हणुन पोलीस नाईक सिध्दांत शिसोदे यांनी दिलेल्या फिर्यादीवरून सुधाकर पाटील यांच्या विरोधात मेहूणबारे पोलीस ठाण्यात गुन्हा दाखल करण्यात आला आहे.या घटनेचा तपास ,साहाय्यक पोलीस निरीक्षक पवन देसले यांच्या मार्गदर्शनाखाली सुरू आहे.