Jalgaon News : तारखेडा सरपंचांविरोधी अविश्वास ठराव पारित

Jalgaon News : तारखेडा खुर्द (ता. पाचोरा) येथील ग्रामपंचायतीच्या सरपंच स्वाती गुजर यांच्याविरुद्ध ग्रामपंचायत सदस्यांनी दाखल केलेला अविश्वास प्रस्ताव बहुमताने पारित झाल्याने श्रीमती गुजर या सरपंच पदावरून पायउतार झाल्या आहेत. (No confidence motion passed against Tarkheda Sarpanch jalgaon news)

गेल्या दोन वर्षांपासून सरपंच स्वाती गुजर यांनी विविध कामे केली. परंतु सदस्यांना विश्वासात न घेता मनमानी कारभार केला. सदस्यांचे काहीही ऐकून घेतले नाही, असा आरोप करत नऊपैकी सात सदस्यांनी अविश्वास प्रस्ताव दाखल केला होता.

तो बहुमताने संमत झाला आहे. त्यामुळे तारखेडा खुर्द ग्रामपंचायतीचे सरपंच पद रिक्त झाले आहे.

हेही वाचा : सामान्यांचा पैसा सुरक्षित ठेवण्यासाठीच Virtual Currency करकक्षेत