Jalgaon : गावठी दारुच्या अड्ड्यावर पोलिसांचा छापा | Sakal
sakal

बोलून बातमी शोधा

crime news

Jalgaon : गावठी दारुच्या अड्ड्यावर पोलिसांचा छापा

यावल (जि. जळगाव) : वड्री (ता. यावल) जवळील आसरबारी पाड्याच्या शिवारातील धरणाच्या चारीजवळ अनधिकृतरित्या गावठी दारू तयार करणाऱ्यांवर येथील पोलिसांनी छापा टाकला. यात गावठी दारूसह दारू तयार करण्याचे कच्चे रसायन आणि साहित्य असा १३ हजारांचा मुद्देमाल हस्तगत करुन याप्रकरणी एका विरोधात गुन्हा दाखल केला आहे.

येथील प्रभारी पोलिस निरीक्षक आशित कांबळे यांना मिळालेल्या माहितीनुसार वड्री (ता. यावल) गावाजवळील आसराबारीपाडा परिसरात धरणाच्या चारीच्या आडोशात गावठी दारुच्या हातभट्टीवर दारू गाळण्याचे काम सुरु आहे. त्यानुसार, त्यांनी आपल्या सहकाऱ्यांसह संबंधित ठिकाणी अचानक छापा टाकला असता, मोहसीन सत्तार तडवी हा बेकायदेशीररित्या गावठी हातभट्टीची दारू गाळताना मिळून आला. त्याच्याकडून तयार दारू, कच्चे रसायन आणि दारू तयार करण्याचे साहित्य असा १३ हजारांचा मुद्देमाल पोलिसांनी हस्तगत केला असून त्याच्याविरुद्ध गुन्हा दाखल केला आहे. पुढील तपास सहायक फौजदार असलम खान करीत आहे. ही कारवाई सहायक फौजदार असलम खान दिलावर खान, हवालदार बालक बाऱ्हे, सुशील घुगे, राजेश वाढे, रोहिल गणेश, गणेश ढाकणे यांच्या पथकाने केली.

हेही वाचा: अवैध वाळुचे डंपर पोलिसांकडून जप्त; चालकाविरोधात गुन्हा

हेही वाचा: Jalgaon : पाटील कन्स्ट्रक्शनची 45 लाखांत फसवणूक

Web Title: Police Raid A Liquor Den Jalgaon Crime News

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
टॅग्स :JalgaonCrime News
go to top