Jalgaon Crime News : गांधी मार्केट परिसरात जुगार अड्यावर छापा

Jalgaon Crime News : शहरातील गांधी मार्केट परिसरातील जुगार अड्यावर गुन्हे शाखेच्या पथकाने बुधवारी (ता. २९) दुपारी सव्वाबाराला छापा टाकला.(Raid gambling dens in Gandhi Market area jalgaon crime news)

सट्टा व जुगाराचा अड्डा चालवला जात असल्याची माहिती मिळताच, गुन्हे शाखेचे निरीक्षक किशन नजन पाटील यांच्या पथकातील विजय पाटील, प्रफुल्ल धांडे, अमोल ठाकूर, राजकुमार चव्हाण, योगेश पाटील यांनी छापा टाकला.

सट्टा लावणारे काही जण पळून जाण्यात यशस्वी ठरले. सट्टा बुकिंग करणारा सचिन आनंदा जाधव (वय २५, रा.जोशी पेठ) याला ताब्यात घेण्यात आले.

चौकशी केल्यावर त्याने सांगितले की, सट्ट्याचा अड्डा शैलेश ठाकरे याच्या मालकीचा असून मी, रोजंदारीवर कामाला आहे.

त्याच्या झडतीत १ हजार ८० रुपये रोख, सट्ट्याचे आकडे लिहिण्यासाठीचे साहित्य जप्त करण्यात आले. पोलिस नाईक विजय पाटील यांच्या तक्रारीवरून शहर पोलिस ठाण्यात गुन्ह्याची नोंद करण्यात आली.