शिव भोजन थाली केंद्राची चौकशी करा !

यावल : शासनाने सर्वसामान्यांना पोटभर जेवण मिळावे या दृष्टीकोणातुन सुरु केलेली शिव भोजन थाली योजना येथे तक्रारीच्या फेऱ्यात अडकली आहे. ज्या बचत गटाला ठेका दिला आहे त्याची सविस्तर चौकशी व्हावी अशी मागणी आमदार चंद्रकांत पाटील यांनी पालकमंत्री गुलाबराव पाटील यांच्याकडे केली आहे.  या पत्राची प्रत नुकतीच निवासी नायब तहसीलदार आर.के. पवार यांना देण्यात आली.

आवश्य वाचा- शिक्षक पती-पत्‍नीचे निवृत्तीनंतर धाडस; पासष्टीच्या वयात त्यांनी ‘कळसूबाई’चे शिखर केले सर 
 

येथील शिवसेनेच्या महीला आघाडीच्या पदाधिकारी सपना घाडगे यांनी आ.चंद्रकांत पाटील यांचेकडे केलेल्या तक्रारीनुसार सदरचे शिव भोजन थाली केन्द्र निमबह्याय असल्याचे पुरावे दिले आहेत. शिवशक्ती महीला बचत गटास शिव भोजन थाली केंद्र देण्यात आले आहे. शिव भोजन थाली केन्द्र प्रकरणात शासनाच्या योजनांचा दुरुपयोग करीत असल्याचे दिसुन येत असुन या प्रकरणी तत्काळ चौकशी करून उचित कारवाई करावी अशा मागणीचे पत्र मुक्ताईनगरचे आमदार चंद्रकांत पाटील यांनी पालकमंत्री गुलाबराव पाटील यांचेकडे दिले.

वाचा- तलाठी, कोतवालला शेतावरील बोजा कमी करण्यासाठी दोनशे रुपयांची लाच भोवली
 

तहसीलदारांना देकील दिले निवेदन

याबाबत एक पत्र शिवसेनेचे जिल्हा उपप्रमुख तुषार उर्फ मुन्ना पाटील यांना देण्यात आले आहे. या पत्राची प्रत जिल्हा उपप्रमुख तुषार उर्फ मुन्ना पाटील यांनी निवासी नायब तहसीलदार आर.के. पवार यांना दिली. यावेळी शिवसेनेचे तालुकाप्रमुख रवीन्द्र सोनवणे , पंचायत समितीचे माजी सभापती सुर्यभान तायडे , सेनेचे माजी तालुका प्रमुख कडु पाटील , विजयसिंग पाटील , शरद कोळी ,आदीवासी सेनेचे तालुका अध्यक्ष हुसैन तडवी,पप्पु जोशी , संतोष खर्चे , अजहर खाटीक , मोहसीन खान, सपना घाडगे आदी कार्यकर्ते उपस्थित होते.  

संपादन- भूषण श्रीखंडे