Summer Heatwave in Jalgaon
sakal
जळगाव - गेल्या तीन दिवसांपासून तापमानात सातत्याने वाढ होत आहे. यामुळे जळगाव शहरासह जिल्ह्यात उन्हाचा तडाखा तीव्र झाला आहे. एप्रिलचा पहिला आठवडा थंड राहिल्यानंतर दुसऱ्या आठवड्यात उन्हाचा चटका अधिक तीव्र झाला आहे. यामुळे उष्णतेची लाट अधिक तीव्र झाली असून, तापमानाने ४२ अंश सेल्सिअसचा टप्पा गाठला आहे. सकाळपासूनच कडक उन्हाचा चटका जाणवत असून दुपारच्या वेळेत उकाडा असह्य होत आहे.
