देशाला देव मानून उभारले भारतमातेचे मंदिर

हिंगणगाव - भारतमातेच्या प्रतिमेचे पूजन करताना ग्रामस्थ.
हिंगणगाव - भारतमातेच्या प्रतिमेचे पूजन करताना ग्रामस्थ.

अहमदपूर - सामाजिक एकात्मतेचा संदेश देण्यासाठी देश हाच देव मानून हिंगणगाव (ता. अहमदपूर) येथे ॲड. सुनील केंद्रे या ध्येयवेड्या वकिलाने स्वतःच्या जागेत भारत मातेच्या मंदिराची उभारणी केली आहे.

प्रजासत्ताकदिनी शुक्रवारी (ता.२६) या मंदिरात भारत मातेच्या मूर्तीचे मोठ्या उत्साहात पूजन करण्यात आले. 

शहरापासून १९ किलोमीटर अंतरावर ॲड. केंद्रे यांचे हिंगणगाव आहे. साडेतीनशे घरांच्या या गावाची लोकसंख्या एक हजार एवढी आहे. अहमदपूर येथील न्यायालयात श्री. केंद्रे वकिली करतात. दरम्यान, समाजातील मतभेद विसरून लोक एकत्र यावे, सर्व जाती-धर्मामध्ये सलोखा वाढावा या उद्देशाने त्यांनी भारत मातेचे मंदिर उभारण्याचा निश्‍चय केला. दहा वर्षांपूर्वीच ॲड. केंद्रे यांनी हिंगणगावमध्ये जागा विकत घेतली होती. या ठिकाणी त्यांनी भारत मातेचे मंदिर उभारण्याचा निश्‍चय केला. सहा महिन्यांपूर्वी त्यांनी स्वखर्चाने मंदिराचे काम सुरू केले. नुकतेच हे काम पूर्ण झाले असून धर्मापुरी (ता. अंबाजोगाई) येथे सहशिक्षिका असणाऱ्या त्यांची पत्नी पद्मजा मुंडे-केंद्रे यांनीही या कामात त्यांना मोलाची साथ दिली. ही कल्पना पटल्याने ग्रामस्थ श्रीहरी घुले यांनीही भारत मातेच्या मंदिरालगतची स्वतःची एक गुंठा जागा मंदिरासाठी दान दिली. प्रजासत्ताकदिनी भारत मातेच्या प्रतिमेचे येथे थाटात पूजनही झाले. भारतमाता मंदिरात झालेल्या कार्यक्रमाला दीलदार शेख, सरपंच सूर्यकांत फड, ॲड. डी. एम. कांबळे, अरिफ देशमुख, डॉ. कैलास देशमुख, सुलोचना दराडे, नंदा दराडे, सोमाबाई दराडे, यमुना घुले, धनराज गिरी, मन्मथ स्वामी, अफजल मोमीन, तुकाराम घुले, श्रीरंग पत्की, नाथराव घुले यांच्यासह अनेकांच्या हस्ते पूजन करण्यात आले. ‘वंदे मातरम, भारत माता की जय’ या घोषणांनी परिसर दुमदुमून गेला होता.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com