तारळे (जि. सातारा) : कोरोना महामारीने जिल्हा व्यापला आहे. या आजारात कृत्रिम प्राणवायू हाच रुग्णांचा प्राण ठरला आहे. त्यामुळे ऑक्सिजन हाच सध्या संकटमोचक आहे. तारळेसारख्या मोठ्या बाजरपेठेच्या गावात या ऑक्सिजन मशिन अत्यावश्यक होत्या, यामुळे रुग्णांचे प्राण वाचण्यास मदतच होणार आहे, असे प्रतिपादन जिल्हा शल्य चिकित्सक डॉ. सुभाष चव्हाण यांनी केले. ते तारळेत आयोजित येथील सामाजिक संस्था अक्षयपात्र चॅरिटेबल ट्रस्टने येथील कोरोना रुग्णांच्या सेवेसाठी देऊ केलेल्या दोन ऑक्सिजन मशीनच्या लोकार्पण कार्यक्रमात बोलत होते.
यावेळी नायब तहसिलदार प्रशांत थोरात, सहाय्यक गटविकास अधिकारी ए. व्ही. विभूते, वैद्यकीय अधिकारी डॉ. प्रकाश कदम, उपनिरीक्षक मोहन तलवार, वरिष्ठ औषध निर्माता, सुधाकर नेमाने, रामभाऊ लाहोटी, हणमंतराव खबाले पाटील, अभिजित जाधव, युवराज नलवडे, नामदेवराव साळुंखे, दीपक यादव विस्तार अधिकारी तथा प्रशासक जे. एस. वाघ, तलाठी अबीदा सय्यद, ट्रस्टचे अध्यक्ष सुहास नेमाने, उपाध्यक्ष बाळासाहेब महाजन आदींची प्रमुख उपस्थिती होती.
डॉ. चव्हाण पुढे म्हणाले, अक्षयपात्र ट्रस्टने एक चांगला निर्णय घेऊन गरजेची गोष्ट तारळेकरांच्या सेवेत उपलब्ध करून दिली आहे. याबद्दल त्यांचे कौतुक आहे. हायरिस्क गटासाठी सध्या हे यंत्र जीवनदायी यंत्र म्हणून सिद्ध होत आहे. ऑक्सिजन लेव्हल कमी झाल्यास या मशीनमुळे ती स्टेबल ठेवण्यास मदत होईल. नायब तहसीलदार श्री थोरात म्हणाले, प्रशासनाचे नियम सर्वांनी पाळा, या महामारीत सामाजिक संस्था पुढे येत आहेत हे चांगली बाब असून अक्षयपात्रने उल्लेखनीय काम केले आहे. श्री. विभूते म्हणाले, सगळ्यांना सगळं कळतंय पण वळत नाही ही शोकांतिका आहे. शेजारी कोरोना येणार आहे, माझ्याघरी येणार नाही हा भ्रम दूर करून सर्वांनी वैयक्तिक व सार्वजनिक जबाबदारी स्वीकारली पाहिजे, असे सांगितले.
डॉ. कदम यांनी स्वतः चा पॉझिटिव्ह आल्यानंतरच अनुभव विशद केला. ज्यांच्या आशीर्वादाने मी बरा झालो त्या लोकांची सेवा हा कोरोना जाई पर्यंत करीत राहीन, असा शब्दही दिला. यावेळी डॉ. चव्हाण यांच्याशी वार्तालाप देखील झाला. येथील आरोग्य केंद्राचे औषध निर्माता श्री. ठोके यांनी कोरोना काळातही औषधे पुरवठा व्यवस्थित ठेवला याबद्दल त्यांचे डॉ. चव्हाण यांनी विशेष कौतुक करून त्यांचा सत्कार केला. प्रास्ताविक सुहास नेमाने यांनी, सूत्रसंचालन सचिन वागडोळे यांनी, आभार महेश काकडे यांनी मानले. मोजक्या लोकांच्या उपस्थितीत व सोशल डिस्टन्स, सॅनिटायझर, ग्लोज आदी काळजी घेत हा कार्यक्रम संपन्न झाला.
संपादन : बाळकृष्ण मधाळे
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.