रत्नागिरीत सापडले आणखी १० कोरोना पॉझिटिव्ह ; रुग्ण संख्या ४०२ वर तर मृतांची संख्या १६वर

रत्नागिरी  : रत्नागिरी जिल्ह्यात सातत्याने कोरोना रुग्ण सापडत आहेत. काल सायंकाळपासून आलेल्या अहवालांपेकी  १० अहवाल पॉझिटिव्ह आले आहेत. यामुळे जिल्ह्याची एकूण पॉझिटिव्ह रुग्णांची संख्या आता ४०२ झाली आहे.  

हेही वाचा-वादळानंतर सरकारचे अस्तित्व आहे कोठे?, फडणवीस यांचा सवाल 

पॉझिटिव्ह आलेल्या रुग्णांपैकी ५ रत्नागिरीतील असून कामथे येथील १ दापोली येथील २ आणि संगमेश्वर येथील २ रुग्णांचा समावेश आहे. यातील दापोली येथील एक रुग्ण ११ जून रोजी दाखल करण्यासाठी आणला असता त्याचा उपचारादरम्यान मृत्यु झाला आहे. त्याचा ही अहवाल पॉझिटिव्ह आल्याने जिल्ह्यात मृतांची संख्या १६ झालेली आहे. 

हेही वाचा- सरीवरसरी : मान्सूनच्या पहिल्याच पावसाची विक्रमी  नोंद ;  2 तासात 9 इंचापेक्षा अधिक पाऊस -

दरम्यान आज सात रुग्णांना बरे झाल्यानंतर घरी सोडण्यात आले त्यामुळे बरे झालेल्या रुग्णांची संख्या २६७ झाली आहे. 

सकाळची बारा वाजेपर्यंत ची स्थिती :
एकूण पॉझिटिव रुग्णांची संख्या -  ४०२
बरे झालेल्या रुग्णांची संख्या  - २६७
मृत्यू   - १६
एकूण अँक्टिव्ह रुग्ण  -११८