ब्रेकिंग - रत्नागिरीत आणखी 19 जणांना कोरोनाची लागण

सकाळ वृत्तसेवा
मंगळवार, 30 जून 2020

खासगी रुग्णालयात पॉझिटिव्ह आढळून आलेली नर्स लहान मुलांच्या शिकवण्या घेत होती.

रत्नागिरी : जिल्ह्यातील कोरोना बाधितांचा आकडा सातत्याने वाढत आहे. मागील चोवीस तासात 19 रुग्ण सापडल्याने जिल्ह्यातील कोरोना बाधितांची संख्या 599 वर पोचली आहे.
 रत्नागिरीत नव्याने तीन पॉझिटिव्ह रुग्ण सापडले आहेत. यात शिरगाव तिवंडेवाडी, राजीवडा आणि गावडे आंबेरे येथे रुग्ण सापडले आहेत. 

खासगी रुग्णालयात पॉझिटिव्ह आढळून आलेली नर्स लहान मुलांच्या शिकवण्या घेत होती. या 13 विद्यार्थ्यांना क्वारंटाईन करण्यात आले होते. यापैकी एक विद्यार्थी पॉझिटिव्ह निघाला आहे. 

राजीवडा येथील जिल्हा रुग्णालयात प्रसूतीसाठी आलेल्या महिलेच्या आईला देखील कोरोनाची लागण झाली आहे. याशिवाय गावडे आंबेरे येथीलही जिल्हा रुग्णालयात प्रसूतीसाठी आलेला 20 वर्षीय नातेवाईक कोरोना बाधित आला आहे.

या 19 कोरोना पॉझिटिव्ह रुग्णांमध्ये दापोली तालुक्यातील तब्बल 16 रुग्णंचा समावेश आहे. यामधे दापोली -1 , जालगाव -1 , हर्णे -1 , आडे- 10 , मुगीज- 1 , टेटवली- 1 , बुरोंडी- 1 असे एकूण 16 सर्व तर उर्वरित 3 रुग्ण रत्नागिरी मधील आहेत. आता एकूण कोरोना पॉझिटिव्ह रुग्ण 599 झाले आहेत.

हे पण वाचा - ह्रदयद्रावक ; जन्म घेताच  गाठले कोरोनाने; मातेलाही झाली लागण

 

हे पण वाचा - ...अन् पोलिसांच्या सर्कतेमुळे वाचला त्या युवकाचा जीव

 


स्पष्ट, नेमक्या आणि विश्वासार्ह बातम्या वाचण्यासाठी 'सकाळ'चे मोबाईल अॅप डाऊनलोड करा
Web Title: 19 new corona positive case in ratnagiri