दाभोळ : दापोली तालुक्यात कोरोनाबाधित रुग्णांची संख्या वाढत असल्याने बाधित रुग्ण सापडलेल्या गावात कंटेन्मेंट झोन जाहीर केले आहेत. दापोली तालुक्यातील पिसई येथे 3, फणसू येथे 1, दाभोळ येथे 1, केळशी येथे 1 असे 6 कंटेन्मेंट झोन जाहीर केल्याची माहिती तालुका आरोग्य अधिकारी डॉ. शिवा बिरादार यांनी दिली आहे. सुरक्षिततेचा उपाय म्हणून आडे गाव सील केले
तालुक्यातील आडे व विसापूर या गावांतील प्रत्येकी दोन व हर्णे येथील एका रुग्णांचा अहवाल पॉझिटिव्ह आल्याने तालुक्यात खळबळ उडाली. या नवीन रुग्णांमुळे दापोली तालुक्यातील बाधित रुग्णांची संख्या 55 झाली असून, सुरक्षिततेचा उपाय म्हणून आडे गाव सील केले आहे. दापोली तालुक्यात कोरोनाचा कम्युनिटी स्प्रेड सुरू झाल्याची चिंता तालुका आरोग्य अधिकारी डॉ. बिरादार यांनी व्यक्त केली.
तालुक्यात अजूनपर्यंत 954 स्वॅबचे नमुने तपासणीसाठी पाठविले होते. त्यापैकी 898 अहवाल निगेटिव्ह आले. तालुक्यात 5 बाधितांचा मृत्यू झाला असून, कोकण कृषी विद्यापीठाच्या किसान भवन येथे सुरू केलेल्या कोविड केअर सेंटरमध्ये रुग्ण उपचार घेत आहेत. दापोलीतून 27, तर जिल्हा रुग्णालयातून 9 जण उपचारानंतर कोरोनामुक्त होऊन घरी गेले आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.