वडिलांच्या अंत्यदर्शनासाठी जाताना काळाने घातला बिळवसच्या सरपंचावर घाला अन् वाटेतच गमवावा लागला जीव....

वेंगुर्ले (सिंधुदुर्ग)  : तालुक्यातील परूळे आदिनारायण मंदिर येथील जेष्ठ दशावतारी संगीतकार पुरूषोत्तम परूळेकर यांचे निधन झाल्याने त्याच्या अंत्यदर्शनासाठी जाताना त्यांची मुलगी मालवण-बिळवस गावच्या सरपंच सौ. रुपाली नाईक यांचा चिपी गावडेवाडी मार्गावर अपघाती मृत्यू झाला.ही घटना आज सकाळी घडली. 

हेही वाचा- कोकणात गणेशोत्सवापुर्वीची तयारी ;   मशीन खरेदीच्या ग्रामपंचायतीला सुचना... -
    
 नाईक यांचे वडील पुरुषोत्तम परूळेकर यांचे आज पहाटे निधन झाले. त्यांच्या अंत्यदर्शनासाठी आपल्या मूला सोबत परुळे येथे नाईक माहेरी मोटरसायकलने जात होत्या. रस्त्याचा अंदाज न आल्याने चिपी येथे या मोटरसायकल चा अपघात झाला.  या अपघातात नाईक यांच्या डोक्यास गंभीर मार लागल्याने त्यांचा मृत्यू झाला. दरम्यान निवती पोलिसांनी घटनास्थळी पंचनामा करून सरपंच सौ नाईक यांचा मृतदेह परुळे आरोग्यकेंद्रात आणण्यात आला आहे.

संपादन - अर्चना बनगे