बांदा (सिंधुदुर्ग) : गोव्याहून सावंतवाडीच्या दिशेने महिंद्रा पीकअप मधून नेण्यात येणाऱ्या गोवा बनावटीच्या बेकायदा दारू वाहतुकीवर बांदा पोलिसांनी कारवाई करत १ लाख ३ हजार २०० रुपये किमतीच्या दारुसह एकूण ६ लाख ३ हजार २०० रुपये किमतीचा मुद्देमाल जप्त केला. ही कारवाई आज सकाळी ७ वाजता बांदा-दोडामार्ग रस्त्यावर डेगवे स्थापेश्वर मंदिर समोर करण्यात आली.याप्रकरणी गणेश प्रकाश सावंत (वय २८, रा. कुणकेरी, ता. सावंतवाडी) याच्यावर अटकेची कारवाई करण्यात आली.
याबाबत बांदा पोलिसांनी दिलेली सविस्तर माहिती अशी...
गोव्याहून सावंतवाडीच्या दिशेने जाणाऱ्या पिकअपला (एमएच ०७- १३५६) डेगवे येथे पोलीस हवालदार मनीष शिंदे यांनी तपासणीसाठी थांबविले. त्यावेळी गाडीच्या पाठीमागील हौद्यात गैरकायदा, बिगर परवाना गोवा बनावटीच्या दारूचे खोके आढळले.
पोलिसांनी दारू सर्व जप्त करत चालकावर अटकेची कारवाई केली. ही कारवाई पोलिस निरीक्षक अनिल जाधव यांच्या मार्गदर्शनाखाली हवालदार महेश भोई, मनीष शिंदे, रामचंद्र तेली यांनी केली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.