तेंडोलीत भाजपचे जोरदार ‘कमबॅक’

88799

तेंडोलीत भाजपचे जोरदार ‘कमबॅक’

भरीव मताधिक्य ः ठाकरे शिवसेनेला धक्का

सकाळ वृत्तसेवा
कुडाळ, ता. ८ ः तेंडोली जिल्हा परिषद मतदारसंघात ठाकरे शिवसेनेला धक्का देत भाजपने जोरदार ‘कमबॅक’ केले. भाजपला या मतदारसंघात सर्वाधिक २२५० चे मताधिक्य मिळाले, असे ज्येष्ठ नेते नीलेश तेंडुलकर यांनी म्हटले आहे.
याबाबत त्यांनी दिलेल्या प्रसिद्धिपत्रकात म्हटले आहे की, तालुक्यातून केंद्रीय मंत्री नारायण राणे यांना तेंडोली जिल्हा परिषद मतदारसंघाने २२५० चे मताधिक्य देत पहिल्या क्रमांकावर आणले. केंद्रीय मंत्री राणे, पालकमंत्री रवींद्र चव्हाण, माजी खासदार डॉ. नीलेश राणे, प्रदेश उपाध्यक्ष अतुल काळसेकर, जिल्हाध्यक्ष प्रभाकर सावंत यांच्या मार्गदर्शनाखाली या मतदारसंघाचे प्रभारी आनंद शिरवलकर, अभय परब, ज्येष्ठ कार्यकर्ते नीलेश तेंडुलकर, मंडल अध्यक्ष संजय वेंगुर्लेकर, महिला मोर्चा अध्यक्ष आरती पाटील, शक्ती केंद्रप्रमुख मंगेश प्रभू, राजू राऊळ, समाधान परब, दाजी गोलम, अक्षय तेंडोलकर, विघ्नेश गावडे, सतीश गावडे, भरत गावडे, दादा चव्हाण, अशोक कंदूरकर या सर्वांनी तेंडोली जिल्हा परिषद मतदार संघामध्ये महत्त्वपूर्ण काम केले. २०१९ च्या विधानसभा निवडणुकीत या मतदारसंघातून भाजपचे सरचिटणीस रणजित देसाई यांनी अवघी ६०० मते मिळविली होती. त्यानंतरच्या स्थानिक निवडणुकीतही तेंडोली गावात ठाकरे गटाचा वरचष्मा होता; मात्र २०२४ च्या लोकसभा निवडणुकीत या मतदारसंघातील भाजपच्या कार्यकर्त्यांची मोट बांधत वाडीवार प्रचार केला. त्यामुळे भाजपच्या कमळ निशाणावर १०५८ मते पडली. निवडणूक कालावधीत डॉ. नीलेश राणे यांनी तेंडोलीचे ग्रामदैवत श्री देव रवळनाथाचे दर्शन घेऊन आशीर्वाद घेतले होते. त्यावेळी ग्रामस्थांनी थेट संवाद साधला होता. दत्ता सामंत यांनीही माड्याचीवाडी, तेंडोली येथील अनेक बैठका घेतल्या होत्या. या मताधिक्यामध्ये महायुतीच्या कार्यकर्त्यांचा प्रचारात सक्रिय सहभाग होता, असे श्री. तेंडुलकर यांनी म्हटले आहे.