पाली - रायगड जिल्ह्यातील सुधागड तालुक्यातील नांदगाव येथील आय.डी.बी.आय. बँकेत अज्ञात चोर घुसले. यावेळी त्यांनी बँकेच्या बाजूला असलेल्या एटीएमची व सीसीटीव्ही कॅमेऱ्याची तोडफोड केली आहे..सदर गुन्हा गुरुवारी (ता. 12) सायंकाळी शा वाजता घडला असून शुक्रवारी (ता. 13) सकाळी आठ वाजेच्या सुमारास उघडकीस आला. गुन्हा दाखल करण्याची प्रक्रिया शुक्रवारी (ता. 13) अडीच वाजता पूर्ण करण्यात आली.यानुसार पाली पोलीस ठाण्यात अज्ञात आरोपीविरुद्ध गुन्हा दाखल करण्यात आला असून, पोलीस तपास सुरू आहे. चोर सीसीटीव्ही कॅमेऱ्यात कैद झाला आहे..याबाबत सविस्तर माहिती अशी की फिर्यादी आय.डी.बी.आय बँकेचे मॅनेजर ए. व्ही. सारथचंद्रन रामचंद्रन यांनी दिलेल्या फिर्यादीनुसार गुरुवारी (ता. 12) रात्री अज्ञात व्यक्तीने बँकेच्या स्लायडिंग खिडकीचे लोखंडी ग्रील उचकटून बँकेत प्रवेश केला आणि चोरी केली..तसेच बँकेलगत असलेल्या एटीएमची तोडफोड करण्यात आली. एटीएम रूममधील सीसीटीव्ही कॅमेरे फोडण्यात आले. आणि सहा हजार रुपयाचा काळ्या रंगाचा एल.जी. कंपनीचा मॉनिटर देखील चोरून नेला. या चोराने एटीएम विटा मारून आणि दांडक्याने फोडण्याचा प्रयत्न केला..पाली पोलीस ठाण्याचे तपास अधिकारी सहायक पोलीस सब इन्स्पेक्टर सचिन निकम यांनी घटनास्थळी पाहणी केली. त्यानंतर पोलीस उपविभागीय अधिकारी रवींद्र दौडकर व पोलीस निरीक्षक सरिता चव्हाण यांनी देखील घटनास्थळी भेट दिली..आरोपीचे नाव व पत्ता अद्याप अज्ञात असून, त्याला अटक करण्यात आलेली नाही. आरोपीचा पूर्व इतिहास उपलब्ध नाही. फॉरेन्सिक तपास करण्यात आला आहे. गुन्हा घडल्यानंतर फिर्यादीने परिस्थितीचा आढावा घेतल्यानंतर पोलीस ठाण्यात तक्रार दाखल केली..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
