Chipi Airport : कोल्ह्यामुळे विमानाच्या घिरट्या

सिंधुदुर्ग विमानतळावर मुंबईवरून आलेल्या विमानाला धावपट्टीवर कोल्हा आल्याने दहा मिनिटे अवकाशात घिरट्या घालाव्या लागल्या
chipi airport
chipi airportsakal media

कुडाळ : सिंधुदुर्ग विमानतळावर मुंबईवरून आलेल्या विमानाला धावपट्टीवर कोल्हा आल्याने दहा मिनिटे अवकाशात घिरट्या घालाव्या लागल्या. हा प्रकार पायलटच्या लक्षात येताच त्यांनी तत्काळ विमान पुन्हा आकाशात झेपावले आणि संबंधित यंत्रणेला त्या कोल्ह्याला धावपट्टीवरून बाहेर काढण्यास सांगितले. त्या कोल्ह्याला धावपट्टीवरून बाहेर काढल्यानंतर दहा मिनिटांनी विमान धावपट्टीवर उतरविण्यात आले.याबाबत प्रवाशांमध्ये चांगलीच चर्चा रंगली होती.

chipi airport
शरद पवार इन अ‍ॅक्शन! मुख्यमंत्र्यांसोबत आज महत्त्वाची बैठक

चिपी येथील सिंधुदुर्ग विमानतळाच्या आजूबाजूला कोल्ह्यांचे टोळके आहे. हे कोल्हे भक्ष्यासाठी फिरत असतात. विमानतळाचे उद्‌घाटन झाल्यानंतर या विमानतळावर पहिल्यांदाच कोल्ह्याचे दर्शन झाले. विमानसेवा सुरू झाल्यानंतर काही दिवसांनी या धावपट्टीवर कोल्ह्यांचा वावर दिसला. या विमानतळावर मुंबईवरून विमान येत होते.

यावेळी विमानाच्या पायलटला धावपट्टीवर प्राणी असल्याचे निदर्शनास आले. त्यामुळे पायलटने ते विमान धावपट्टीवर न उतरता पुन्हा विमान आकाशात झेपावले आणि संबंधित यंत्रणेला धावपट्टीवर कोणता तरी प्राणी असल्याचे सांगितले. तत्काळ सुरक्षा यंत्रणेकडून धावपट्टीवर पाहणी केली असता त्यांच्या निदर्शनास कोल्हा असल्याचे दिसून आले.

chipi airport
शेअर बाजारात आजही तेजीचे संकेत, कोणत्या शेअर्सवर नजर ठेवाल?

या सुरक्षा यंत्रणेने कोल्ह्याला धावपट्टीवरून बाहेर काढले. त्यानंतर दहा मिनिटांनी या धावपट्टीवर हे विमान उतरविण्यात आले. याची चर्चा प्रवाशांमध्ये चांगलीच रंगली होती. या विमानतळाच्या सर्व बाजू संरक्षण भिंतीने बंदिस्त केल्या आहेत, तरी हा कोल्हा कोणत्या मार्गाने धावपट्टीवर आला, याचा शोध सुरक्षा यंत्रणा घेत आहे.

ब्रेक घ्या, डोकं चालवा, कोडे सोडवा!

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Marathi News Esakal
www.esakal.com