रत्नागिरी जिल्ह्यात कोरोना मृतांची संख्या दहा ; बाधितांची संख्या पोहचली 297

रत्नागिरी - एकीकडे निसर्ग चक्रीवादळाचे सावट असताना कोरोनाच कहर थांबता थांबेना अशी स्थिती रत्नागिरी जिल्ह्यात झाली आहे. मृतांच्या संख्येत आणखी एकाची भर पडली असून एकूण आकडा दहावर पोचला आहे. तर पॉझिटिव्ह रुग्णात 10 ची भर पडली आहे. त्यामुळे जिल्ह्यात एकूण रुग्ण 297 वर पोचले आहेत.

सोमवारी रात्री आलेल्या अहवालात आणखी 10 रुग्ण पॉझिटिव आढळून आले आहेत. यामुळे जिल्ह्यातील एकूण पॉझिटिव्ह रुग्णांची संख्या आता 297 झाली आहे. यातील 9 रुग्ण संगमेश्वर येथील रुग्णालयात दाखल आहेत तर एका रुग्णाचा मृत्यू 30 मे रोजी झाला आणि अहवाल रात्री प्राप्त झाला. आतापर्यंत मृत्यू पावलेल्या रूग्णांची संख्या आता 10 झाली आहे. आतापर्यंत बरे झालेल्या रुग्णांची संख्या आता 116 झाली आहे.