जिल्ह्यातील एकूण कोरोनाबाधित रुग्णाची संख्या 6 हजार 154 झाली आहे. यातील 5 हजार 776 रुग्ण बरे होऊन घरी परतले आहेत. 164 जणांचे निधन झाले आहे.
ओरोस (सिंधुदुर्ग) - जिल्ह्यात आज नवीन 5 कोरोना रुग्ण मिळाले आहेत तर 5 रुग्णांनी कोरोनावर मात केली आहे. जिल्ह्यात सध्या 208 रुग्ण उपचाराखाली असून यातील 3 रुग्णांची तब्बेत चिंताजनक आहे.
जिल्ह्यातील एकूण कोरोनाबाधित रुग्णाची संख्या 6 हजार 154 झाली आहे. यातील 5 हजार 776 रुग्ण बरे होऊन घरी परतले आहेत. 164 जणांचे निधन झाले आहे. परिणामी उपचाराखाली 208 रुग्ण राहिले आहेत. यातील 7 रुग्ण जिल्ह्याबाहेर जाऊन उपचार घेत आहेत. उर्वरित 201 रुग्णावर जिल्ह्यातील कोविड हॉस्पिटल अथवा होम आयसोलेशनमध्ये उपचार सुरू आहेत, अशी माहिती जिल्हा शल्यचिकित्सक डॉ. श्रीमंत चव्हाण यांनी दिली.
208 रुग्ण सक्रिय असून त्यापैकी तीन रुग्णांची प्रकृती चिंताजनक आहे. यातील दोन रुग्ण ऑक्‍सिजनवर तर एक रुग्ण व्हेन्टीलेटरवर उपचार घेत आहेत. जिल्ह्याबाहेर जाऊन सात रुग्ण उपचार घेत आहेत. आरटीपीसीआर टेस्टमध्ये 31 हजार 186 नमुने तपासण्यात आले. यातील 4 हजार 289 नमुने पॉझिटिव्ह आले आहेत. आज नव्याने 564 नमुने घेण्यात आले. ऍन्टिजन टेस्टमध्ये एकूण 23 हजार 309 नमुने तपासले. पैकी 1 हजार 986 नमुने पॉझिटिव्ह आले आहेत. आज नवीन 53 नमूने घेण्यात आले. आतापर्यंत एकूण 54 हजार 495 नमुने तपासण्यात आले.
तालुका निहाय पॉझिटिव्ह रुग्ण (कंसात मृत्यूचा आकडा) ः देवगड-434 (9), दोडामार्ग-355 (4), कणकवली-1869 (41), कुडाळ-1390 (32), मालवण-531 (17), सावंतवाडी-826 (43), वैभववाडी-182 (7), वेंगुर्ले-547 (10), जिल्ह्याबाहेरील रुग्ण-20 (1). तालुकानिहाय सक्रिय रुग्ण ः देवगड-21, दोडामार्ग-11, कणकवली-53, कुडाळ-53, मालवण-16, सावंतवाडी-18, वैभववाडी-4, वेंगुर्ले-24 व जिल्ह्याबाहेरील 3 अशाप्रकारे आहेत.
संपादन - राहुल पाटील
