कणकवली (सिंधुदुर्ग) - अत्यावश्यक सेवेचा खोटा फलक लावून जिल्ह्यातून कोल्हापूरच्या दिशेने जाणाऱ्या परप्रांतीय शेकडो मजुरांना अखेर परतीची वाट दाखवण्यात आली. फोंडाघाट पोलिस नाक्यावर ट्रॅक्टर, टेम्पो आणि 18 मोटारसायकलवरून परप्रांतात जाणाऱ्या मजुरांना पोलिसांनी रोखले. हा प्रकार सोमवारी (ता.30) रात्री फोंडाघाट येथे घडला.
जिल्ह्यात सध्या परप्रांतीय मजुरांवर उपासमारीची वेळ आली आहे. त्यामुळे प्रत्येक मजूर आपल्या गावाकडे जाण्यासाठी वेगवेगळ्या प्रकारे पलायनाचा मार्ग स्वतः शोधत आहेत. सोमवारी (ता.30) सायंकाळी कर्नाटक व इतर राज्याकडे जाणाऱ्या परप्रांतीयांनी स्वतःच्या गाड्यांवर ती अत्यावश्यक सेवा असा फलक लावून फोंडाघाटमार्गे कोल्हापूरकडे जाण्याचा प्रयत्न केला. जवळपास 70 ते 80 लोक वेगवेगळ्या वाहनांमधून जात होते.
यात 11 ट्रॅक्टर, 5 टेम्पोचाही समावेश होता. टेम्पोच्या पुढील भागावर अत्यावश्यक सेवा असे फलक लावण्यात आले होते. जवळपास 18 मोटारसायकल घेऊन हे परप्रांतीय कर्नाटकच्या दिशेने जाण्याचा प्रयत्न करत होते; मात्र फोंडाघाट येथील नाक्यावर पोलिस उपनिरीक्षक एस. बी. मुल्ला यांच्या पथकाने चौकशी केली असता, हे परप्रांतीय उपासमारीपोटी आपल्या गावाकडे जात असल्याचे निष्पन्न झाले; मात्र सर्व कामगारांना पोलिसांनी शासकीय स्तरावरील पर्यायी व्यवस्था केली आहे. हरकुळ, खुर्द आणि कणकवलीत या कामगारांसाठी सुविधा केली आहे.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.