ओरोस (सिंधुदुर्ग) : जिल्हा सामान्य रुग्णालयात ट्रुनॅट मशिनव्दारे कोवीड-१९ ची तपासणी सुरु झाली आहे. मात्र, ही तपासणी निगेटिव्ह असलेल्या रुग्णांसाठी कन्फर्म असणार आहे. तर या टेस्टद्वारे पॉझिटिव्ह आलेल्या रुग्णांची तपासणी सीबीनॅट मशिन किंवा आर. टी. पी. सी. आर. मशीनद्वारे कन्फर्म करण्यात येणार आहे, अशी माहिती जिल्हाधिकारी के मंजुलक्ष्मी यांनी दिली.
यावेळी आमदार वैभव नाईक, जिल्हाधिकारी के.मंजूलक्ष्मी यांनी आज जिल्हा शल्य चिकित्सक डॉ. धनंजय चाकूरकर, अतिरिक्त जिल्हा शल्य चिकित्सक डॉ. श्रीपाद पाटील, रेण्वीय निदान प्रयोगशाळेचे मुख्य वैद्यककीय अधिकारी डॉ. उल्हास लोखंडे, डॉ. पी.एम. मोरे व तंत्रज्ञ श्री. परब यांच्या उपस्थितीत यंत्र सामुग्रीची पाहणी करण्यात आली.
जिल्हा सामान्य रुग्णालयात ट्रुनॅट मशीनद्वारे स्वॅब तपासणीची इंडियन कौंन्सिल ऑफ मेडिकल रिसर्च, दिल्ली (आय.सी.एम.आर) कडून परवानगी देण्यात आली आहे. जिल्हा सामान्य रुग्णालयामध्ये सद्या ट्रुनॅट एक मशीन व सिबी नॅट कोवीड – १९ एक, अशा दोन तपासणी मशीन उपलब्ध आहेत. त्याद्वारे कोरोना तपासणी करण्याचा निर्णय जिल्हाधिकारी के मंजुलक्ष्मी यांनी जाहिर केला आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.