वाडीतील मुलीशी तुझे प्रेमसंबंध आहेत ? विचारणा करत धारदार हत्याराने तरुणावर केले वार

देवरूख (रत्नागिरी) : वाडीतील मुलीशी तुझे प्रेमसंबंध आहेत का, अशी विचारणा करत धारदार हत्याराने तरुणावर वार केले. याप्रकरणी प्रणय दशरथ तुळसणकर (रा. तुळसणी) याच्यावर देवरूख पोलिस ठाण्यात गुन्हा दाखल केला आहे. शनिवारी (ता. १९) देवरूख पोलिसांनी त्याला अटक केली.

याबाबत देवरुख पोलिस ठाण्यातून मिळालेल्या माहितीनुसार राज सुरेश कदम (रा. तुळसणी) यांनी याप्रकरणी फिर्याद 
दिली आहे. यातील प्रणय तुळसणकर व राज कदम हे दोघे एकाच वाडीतील आहेत. दरम्यान, प्रणयने राजच्या उजव्या हाताच्या मनगट व दंडावर चावा घेतला आहे.

हेही वाचा - नारायण राणे हे बाळासाहेबांचे सर्वात कडवट शिवसैनिक होते; त्यांच्या ड्रीम प्रोजेक्टला बाळासाहेबांच नाव द्यावं -

याप्रकरणी प्रणय तुळसणकरविरोधात देवरूख पोलिस ठाण्यात गुन्हा दाखल केला आहे. प्रणय याला अटक करण्यात आली असून अधिक तपास देवरूख पोलिस करीत आहेत.

नकार देऊनही हल्ला

राजला प्रणयने ‘मला तुझ्याशी बोलायचे आहे’, असे सांगत जवळच्या विहिरीजवळ नेले. यावेळी वाडीतील एका मुलीशी तुझे प्रेमसंबंध आहेत का, अशी विचारणा केली. यावर राजने कोणतेही प्रेमसंबंध नसल्याचे सांगितले. मात्र, प्रणयने प्रेमसंबंधाबाबत राजवर संशय घेत त्याच्या गळ्याच्या खाली, डाव्या हातावर, डाव्या कमरेवर धारदार हत्याराने वार केले.

संपादन - स्नेहल कदम