Poladpur Accident : नववीत 95 टक्के गुण, नृत्य-बॅडमिंटनमध्येही उल्लेखनीय यश; अनुश्रीच्या अकाली एक्झिटने दापोलीत हळहळ, आईच्या निधनाने शोक अनावर

दापोली (रत्नागिरी) : स्वप्नांना पंख फुटण्याच्या वयात असलेली गुणवंत विद्यार्थिनी अनुश्री मरकड आणि कुटुंबाचा आधार असलेल्या तिच्या आई सुवर्णा मरकड यांच्या अकाली निधनाने दापोली परिसर हळहळला (Anushree Markad Dapoli accident news) आहे. एका क्षणात आईचे छत्र आणि बहिणीची साथ गमावलेल्या चिमुकल्या चिन्मयसमोर तर गंभीर जखमी अवस्थेतील अनिल मरकड यांच्यासमोर आयुष्याचे मोठे आव्हान उभे ठाकले आहे.