Blackened Hapus mango blossoms
sakal
देवगड : यंदा देवगड हापूसचा मोहोर इतक्या मोठ्या प्रमाणात आणि कमी काळात गळून पडला कसा? या प्रश्नाने सिंधुदुर्गातील बागायतदार प्रचंड अस्वस्थ आहेत. हवामान बदल, किडीचा प्रादुर्भाव ही पारंपरिक कारणे दिली जात असली तरी इतक्या कमी वेळात शेकडो एकर वरील बागाच्या बागांमध्ये मोहोर गळून करपून जाण्याचा गेल्या काही वर्षांतील हा पहिलाच प्रकार आहे. या मागचे खरे कारण शोधून काढण्याची मागणी आता जोर धरत आहे. या संकटामुळे जिल्ह्यातील बागायतदार संघटित होत आहेत.