वाचा रत्नागिरीत का झाला डिझेलचा गोंधळ ..?

रत्नागिरी :  एसटी आगारात रात्री डिझेल टॅंकर येऊनही तो उतरवून घेण्यात आला नाही. त्यामुळे आज सकाळी गाड्यांमध्ये डिझेल भरण्यासाठी गर्दी झाली. यामुळे आगारातून सुटणाऱ्या ग्रामीण व शहरी फेऱ्या सुटू शकल्या नाहीत. ग्रामीणच्या 136 आणि शहरी 134 फेऱ्या रद्द कराव्या लागल्या. याचा फटका शाळा, महाविद्यालयीन विद्यार्थी आणि नोकरदारांना बसला. वरिष्ठ अधिकाऱ्याच्या आडमुठे धोरणामुळे हा प्रकार घडल्याची चर्चा आगारात सुरू होती. 

सकाळी गाड्यांची एकदम गर्दी झाल्यामुळे माळनाका मुख्य रस्त्यावरही एसटी गाड्या रांगेत उभ्या होत्या. सकाळी 6 नंतरच्या काही फेऱ्या सुटल्या. तसेच रात्री वस्तीवरून आलेल्या फेऱ्यांनी ग्रामीण फेऱ्या मारल्या. ग्रामीणच्या तीन हजार 600 कि.मी. व शहरी एक हजार 200 कि.मी. रद्द झाले. रत्नागिरी विभागाला सुमारे 40 कोटींचा तोटा आहे.

लाखो रुपयांचे नुकसान

गेले काही महिने अपुरे डिझेल, पैसे नसल्यामुळे कंपन्यांची देणी, पगार कपात आदी कारणांमुळे एसटी विभाग सातत्याने चर्चेत आहे. डिझेलबाबत माहिती घेतली असता, काल रात्रीच डिझेलचा टॅंकर आला होता. मात्र, नियमानुसार तो उतरवून घेण्यात आला नाही. परंतु आज सकाळी ग्रामीण व शहरी फेऱ्यांवर त्याचा परिणाम झाला. यामुळे लाखो रुपयांचे नुकसान झाल्याचा प्राथमिक अंदाज आहे.

क्लिक करा - नागरीकत्व सुधारणा कायद्याला विरोध ; सोलापुरात मुस्लिम समाजाचे आंदोलन (VIDEO) - 

कार्यवाही न झाल्याने गोंधळ 
डिझेलचा टॅंकर आल्यानंतर अन्य एका अधिकाऱ्याने तो उतरवून घेण्यास सांगितले होते, परंतु त्यावर कोणतीही कार्यवाही झाली नाही. त्यामुळेच हा गोंधळ झाला. नियमानुसार रात्री टॅंकरमधून डिझेल पुरवठा स्वीकारला जात नाही. मात्र, अडचणीच्या काळात ते वरिष्ठांच्या परवानगीने उतरवून घेता येतो. परंतु असे न झाल्यामुळे आज प्रवाशांना फटका बसला. 

हेही वाचा- शिवसेनेने ठोकली इस्लामपूर पालिकेच्या आवारात बोंब!

दंडात्मक कारवाई होणार का? 
रत्नागिरी आगारातील वरिष्ठ अधिकारी प्रत्येक अपराधासाठी मिळेल. त्या कर्मचाऱ्यांच्या पगारातून थेट दंडात्मक कारवाई म्हणून 100 ते 500 रुपये कपात करत आहेत. यासंदर्भात कर्मचाऱ्यांमध्ये भरपूर नाराजी आहे. त्यामुळे आजच्या डिझेल गोंधळामुळे जेवढ्या फेऱ्या रद्द झाल्या, त्याची नुकसानभरपाई संबंधित जबाबदार अधिकाऱ्यांच्या वेतनातून करण्यात यावी, अशी मागणी काही कर्मचाऱ्यांनी केली.