Kokan
esakal
सिंधुदुर्गनगरी: जागतिक हवामान बदलाच्या पार्श्वभूमीवर यंदा 'एल निनो' सक्रिय होण्याची दाट शक्यता असून, याचा थेट परिणाम भारतीय मॉन्सूनवर होण्याची चिन्हे आहेत. पॅसिफिक महासागरातील तापमानवाढीमुळे मॉन्सून कमकुवत होऊन पावसाचे आगमन उशिरा होणे, पावसाच्या दोन सत्रात मोठा खंड पडणे किंवा एकूण पर्जन्यमान कमी राहणे, असे परिणाम जाणवू शकतात.
सिंधुदुर्ग जिल्ह्याला अतिवृष्टीचा इतिहास असला, तरी या संभाव्य आपत्तीचा मुकाबला करण्यासाठी शेतकऱ्यांनी आतापासूनच मूलस्थानी मृद व जलसंधारणाच्या व इतर उपाययोजना कराव्यात, असे आवाहन जिल्हा अधीक्षक कृषी अधिकारी भाग्यश्री नाईकनवरे यांनी केले आहे.
