the electricity bill increased and problems faced by businessman in sindhudurg sanjay bhogate against this incident
the electricity bill increased and problems faced by businessman in sindhudurg sanjay bhogate against this incident

नाहीतर संपूर्ण तालुका बंद ठेवू : संजय भोगटे

कुडाळ (सिंधुदुर्ग) : कुडाळ तालुका व्यापारी संघटनेच्या कार्यकारिणी मीटिंगमध्ये कोरोना लॉक-डाऊन कालावधीतील वाढीव व अवास्तव वीजबिल बाबत कुडाळ तालुक्यातील व्यापाऱ्यांशी चर्चा करून पुढील दिशा ठरविण्यात यावी असे ठरले. गावनिहाय दौरा केला असता तेथील व्यापाऱ्यांनी  वाढीव व अवास्तव वीजबिल बाबत पाढा वाचला. यापुढे व्यापाऱ्यांना व ग्राहकांना दिलासा मिळाला नाही तर संपूर्ण तालुका बंद ठेवून मोर्चा काढावा लागेल असा इशारा तालुका अध्यक्ष संजय भोगटे यांनी दिला.

यावेळी भोगटे म्हणाले नेरूर, वालावल, पाट, पिंगुळी, माणगाव तीठा, माणगाव बाजार, पणदूर, कडावल, ओरोस, कसाल  या ठिकाणी जाऊन व्यापाऱ्यांशी चर्चा केली असता वीज वितरणकडून वीजबिल भरण्याबाबत सक्ती केल्याचे सांगितले. काही ठिकाणी बंद असलेल्या घरांचे वीजबिल 12 हजार रुपये काढल्याचे समजले, तर काही ठिकाणी बंद असलेल्या कोल्ड्रिंक व्यापाराचे सुद्धा अवाच्या-सवा बिल काढून भरायला सांगितले. वीज मिटर फॉल्टी असल्यामुळे वीजबिले जास्त आल्याचे काहीनी सांगितले. 

एका व्यापाऱ्याची लॉकडॉउन पूर्वीच महावितरणने वीज कनेक्शन तोडून वीज पुरवठा खंडित केलेला आहे, तरीही अशा ग्राहकांची अवास्तव बिल देखील लॉकडाऊन दरम्यान काढण्यात आली. या आणि अशा अनेक तक्रारी व्यापाऱ्यांनी आमच्या समोर मांडल्या. त्यामूळे तालुका दौरा केल्यानंतर शासनाला तहसीलदार कुडाळ यांचेकडे निवेदन देण्याचे ठरविण्यात आले. तरीही त्याबाबत व्यापाऱ्यांना व ग्राहकांना दिलासा मिळाला नाही, तर संपूर्ण तालुका बंद ठेवून मोर्चा काढावा लागेल असेही ठरविण्यात आले. यावेळी व्यापारी प्रकाश कुंटे, बाबल गावडे, गोविंद सावंत, दीपक गावडे, सतीश माडये, हरेष घुर्ये आदी उपस्थित होते

.

संपादन - स्नेहल कदम 

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com