रत्नागिरी : रत्नागिरी शहर आणि परिसरात कोरोनाचे रुग्ण सातत्याने वाढत असताना आता शहर पोलिस ठाण्यात कोरोनाने शिरकाव केला आहे. शहर पोलिस ठाण्यातील एका महिला पोलिस कर्मचाऱ्याला कोरोनाची लागण झाली आहे.
काल रात्री रत्नागिरी तालुक्यातील 12 जणांना कोरोनाची लागण झाल्याचे अहवाल प्राप्त झाले. या अहवालात शहर पोलिस ठाण्यातील एका महिला पोलिस कर्मचाऱ्याचा अहवाल कोरोना पॉझिटिव्ह आला आहे. पोलिस दलात काम करणाऱ्या प्रत्येक कर्मचाऱ्याची कोरोना चाचणी करण्याचा निर्णय पोलिस प्रशासनाकडून घेण्यात आला होता. यानुसार शहर पोलिस ठाण्यातील काही कर्मचाऱ्यांनी स्वॅब दिला. यात एका महिला कर्मचाऱ्याला कोरोनाची लागण झाल्याचे समोर आले आहे. या कर्मचाऱ्याला कोरोनाची कोणतीच लक्षणे नसताना अहवाल पॉझिटिव्ह आल्याने एकच खळबळ उडाली आहे.
दरम्यान मंगळवारी रात्री आलेल्या अहवालानुसार रत्नागिरी शहर आणि परिसरात 12 पॉझिटिव्ह रुग्ण सापडले आहेत. यात वाटद खंडाळा परिसरातील 2, झारणी रोड येथील 1, जुना माळनाका येथील डॉक्टर, फिनॉलेक्स कॉलनीतील 1, आरोग्य मंदिर येथील 2, नाटे येथील 1, सिविल कर्मचारी 1 आणि खासगी रुग्णालय येथील 1 डॉक्टर आणि 1 नर्स कोरोना बाधित सापडली आहे.
संपादन - अर्चना बनगे ............
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
