अखेर ते 12 रशियन कलाकार मायदेशी निघाले...

finally 12 Russian artists go to Homeland
finally 12 Russian artists go to Homeland
Updated on

खेड (रत्नागिरी) : लॉकडाऊनमुळे महिनाभर मुंबईतच अडकून पडलेल्या 12 रशियन कलाकारांची अखेर मायदेशी पाठवणी झाली. भारत सरकारच्या विदेश मंत्रालयातर्फे त्यासाठी विशेष प्रयत्न करण्यात आले. मायदेशी घेऊन जाण्यासाठी आलेले स्पेशल विमान गाठण्यासाठी गोवा विमानतळाकडे निघालेल्या या कलाकारांची रत्नागिरीचे प्रवेशद्वार असलेल्या कशेडी टॅब येथे आरोग्य विभागाकडून तपासणी झाली.

 
गोवा येथील दाबोलीम विमानतळावरून या कलाकारांसह भारतातील विविध राज्यात अडकलेले 170 रशियन नागरिक खास विमानाने आपल्या मायदेशी परतले आहेत. हे सारे कलाकार दोन महिन्यांपूर्वी मुंबईत आले होते. या 12 जणांमध्ये असलेल्या एका गायिकेने प्रसिद्ध संगितकार बप्पी लहरी यांच्या सोबत एक गाणंही स्वरबद्द केले आहे. भारतात काम संपवून हे कलाकार आपल्या मायदेशी परतणार होते. मात्र, दरम्यानच्या काळात कोरोनामुळे लॉकडाऊनचा निर्णय घ्यावा लागला.

त्यामुळे भारत भेटीवर आलेला कलाकारांचा हा चमू मुंबईतच अडकून पडला. अशा परिस्थितीतही मायदेशी परतण्यासाठी त्यांचे प्रयत्न सुरु होते. अखेर रशियन दुतावासाने भारत सरकारशी चर्चा केली. त्यांना मायदेशी परतण्याची परवानगी दिली. मुंबईसह कर्नाटक, छत्तीसगड, केरळ, आंध्रप्रदेश या ठिकाणी एकूण 170 रशियन नागरिक अडकलेले होते. या सर्व नागरिकांना घेऊन जाण्यासाठी रशियाने दोन स्पेशल चाटर्ड विमानांची सोय केली आहे. गोवा येथील दाबोलीम विमानतळावरुन ही विमाने या नागरिकांना घेऊन जाणार असल्याची माहिती या कलाकारांनी प्रसारमाध्यमांना दिली. 


गायिकेने बप्पी लहरींचे गाणे गायले 
महिनाभराच्या प्रयत्नांना यश येऊन मायदेशी जाण्याचा प्रवास सुरु झाल्याचा आनंद या कलाकार चमुच्या चेहऱ्यावर स्पष्टपणे दिसत होता. या चमुमध्ये असलेल्या गायिकेने संगितकार बप्पी लहरी यांच्या सोबत स्वरबद्द केलेले गीत कशेडी टॅप येथे उपस्थित असलेले आरोग्य, पोलीस कर्मचारी आणि माध्यम प्रतिनिधींना गाऊन दाखविले. 
 

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Marathi News Esakal
www.esakal.com