कुडाळ ( सिंधुदुर्ग ) - गेले काही दिवस श्रावणात ऊन पावसाचा खेळ करणाऱ्या पावसाने तालुक्यात मध्यरात्रीपासून सुरू झालेल्या वादळी वारे व मुसळधार पावसामुळे येथील भंगसाळ नदीचे जुने पूल पाण्याखाली गेले. आंबेडकरनगराला पाण्याने वेढले.
पणदूर, मयेकरवाडी येथील सुरेश शांताराम शिरोडकर यांच्या घरावर आंब्याचे झाड पडून घर आणि दुचाकीचे नुकसान झाले.
तालुक्यात गेले आठ दिवस पाऊस थांबला होता. श्रावणातील उन पावसाचा खेळ सुरू होता; मात्र काल मध्यरात्रीपासून मुसळधार पावसाला सुरुवात झाली. शहरातील भंगसाळ नदीचे जुने पूल पाण्याखाली गेले.
आंबेडकरनगरांमध्ये दरवर्षीप्रमाणे यंदाही घरांना पाण्याने वेढले. भातशेती पाण्याखाली गेल्याने शेतकऱ्याचे मोठ्या प्रमाणात नुकसान झाले. पावसाबरोबरच वादळी वाऱ्यामुळे पणदूर, मयेकरवाडी येथील श्री सुरेश शांताराम शिरोडकर यांच्या घरावर आंब्याचे झाड पडून घर आणि तीन दुचाकीचे नुकसान झाले. पणदूर ग्रामपंचायतीचे सरपंच दादा साईल यांनी पाहणी करून आढावा घेतला.
संपादन - राजेंद्र कृष्णराव घोरपडे
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
