पूरग्रस्त भागाचे पंचनामे त्वरीत करा; राज्यमंत्री तटकरेंच्या सूचना | Sakal
sakal

बोलून बातमी शोधा

पूरग्रस्त भागाचे पंचनामे त्वरीत करा; तटकरेंच्या सूचना

पूरग्रस्त भागाचे पंचनामे त्वरीत करा; तटकरेंच्या सूचना

खेड (रत्नागिरी) : शहरातील पूरग्रस्त भागाची पाहणी करण्यासाठी रविवारी (ता. १) राज्यमंत्री आदिती तटकरे (Minister of State Aditi Tatkare) यांनी नुकसानग्रस्त भागाची पाहणी केली. या वेळी तटकरे सभागृह येथे पूरग्रस्त नागरिकांना धान्य वाटप करण्यासाठी मदत खेड (Khed) शहर राष्ट्रवादी काँग्रेस पार्टीकडे (Nationalist Congress Party) देण्यात आली. अधिकारी यांच्यासोबत त्यांनी चर्चा केली. पूरग्रस्त भागाचे व शेतीचे पंचनामे लवकरच पूर्ण करावे, अशीही सूचना त्यांनी केली.

शहरातील पूरग्रस्त भागाची रविवारी राज्यमंत्री आदिती तटकरे यांनी पाहणी केली. बाजारपेठ, सफा मशीद चौक, पानगल्ली, तीनबत्ती नाका, दापोली नाका, नारंगी नदी परिसराची पाहणी करून त्यांनी अधिकाऱ्यांना सूचना केल्या. पूरग्रस्त भागाचे व शेतीचे पंचनामे लवकरच पूर्ण करावे. उपविभागीय अधिकारी अविषकुमार सोनोने यांना सदर शेतीचे नमुने घेऊन तपासणीसाठी पाठवा, असे आदेश त्यांनी दिले. यावेळी जिल्हाध्यक्ष बाबाजी जाधव, नगराध्यक्ष वैभव खेडेकर, अजय बिरवटकर, तालुकाध्यक्ष स. तू. कदम, शहराध्यक्ष सतीश चिकणे, युवक अध्यक्ष अॅड. अश्विन भोसले, युवती अध्यक्ष समीक्षा कदम, नगरसेवक अजय माने, राजू संसारे, तौसिफ खोत, इलयास खतीब, भूषण चिखले व जयमाला पाटणे, युवती शहराध्यक्ष अॅड. पूजा तलाठी, जलाल राजपुरकर, तुषार सापटे, सुनील साळोखे, मनोज कदम, प्रणव म्हापुसकर, इम्तियाज खोत व अधिकारी उपस्थित होते.

हेही वाचा: व्यावसायिकांना 'खास पॅकेज' द्या ; धैर्यशील माने यांची मागणी

रसायन नदीत सोडले

लोटे एमआयडीसीने पुराचा फायदा घेऊन रसायन नदीमध्ये सोडलेले असून त्याची चौकशी व्हावी, अशी मागणी माजी आमदार संजय कदम यांनी आदिती तटकरे यांच्याकडे केली. यावर तटकरे यांनी नदीच्या पाण्याचे नमुने तपासणी करून त्याचा अहवाल घेण्यास अधिकाऱ्यांना सांगितले.

Web Title: Flooded Inspect Area Aditi Tatkare Notice Khed

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
टॅग्स :Aditi Tatkare Flood
go to top