Watchman’s daughter fulfills her dream of wearing the khaki uniform at just 20.
esakal
संगमेश्वर : कष्टाला जिद्दीची जोड मिळाली की, नशिबालाही यशाचे दरवाजे उघडावे लागतात, हे संगमेश्वर तालुक्यातील मांजरे कळकदेसारख्या दुर्गम भागातील नम्रता मनीष देसाई हिने खरे करून दाखवले आहे. प्रतिकूल परिस्थितीवर मात करत जिद्दीच्या जोरावर नम्रताने पोलिस दलाची परीक्षा उत्तीर्ण होण्याची ऐतिहासिक कामगिरी केली. वयाच्या अवघ्या २० व्या वर्षी ती खाकी वर्दी परिधान करून आता रत्नागिरी जिल्ह्यात कर्तव्य बजावणार आहे.