राजापुरात गंगेचे आगमन | Sakal
sakal

बोलून बातमी शोधा

 पवित्र गंगेचे आगमन झाले आहे

राजापुरात गंगेचे आगमन

राजापूर दिवसागणिक हवेतील उष्मा आणि तापमान वाढत असताना रविवारी (ता. २२) शहराजवळील उन्हाळे येथील प्रसिद्ध तीर्थक्षेत्री पवित्र गंगेचे आगमन झाले आहे. ७५ दिवसांनंतर गंगामाईचे आगमन झाले असून, सद्यःस्थितीत मूळ गंगा, काशीकुंड, गायमुख आणि सर्व कुंडांमध्ये मुबलक प्रमाणात पाण्याचा प्रवाह असल्याची माहिती गंगा देवस्थानचे पदाधिकारी श्रीकांत घुगरे यांनी दिली.

वास्तव्याचा काळ भाविकांच्या दृष्टीने एक धार्मिक पर्वणी असते. त्यामुळे गंगेच्या वास्तव्याच्या काळात राज्यातील भाविक या ठिकाणी पवित्र स्नान करण्यासाठी येतात: मात्र, कोरोनातील लॉकडाउनमुळे अनेक भाविकांनी गंगास्नानाची ही पर्वणी साधता आलेली नव्हती. गतवर्षी नोव्हेंबर महिन्यात आलेल्या गंगामाईचे साधारण अडीच-तीन महिन्याच्या वास्तव्यानंतर फेब्रुवारी महिन्यामध्ये गंगेचे निर्गमन झाले होते. ७५ दिवसांनंतर पुन्हा एकदा गंगामाईचे उन्हाळे तीर्थक्षेत्री आगमन झाले आहे. वाढत्या तापमानाने जगणं असह्य होत असताना गंगामाईचे रविवारी (ता. १५) आगमन झाल्याची माहिती गंगा देवस्थानचे पदाधिकारी घुगरे यांनी दिली.

Web Title: Ganga Appeared Rajapur Today Arrival

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
go to top