Konkan Rock Art : कोकणचा अमूल्य ठेवा चिरेखाणींच्या विळख्यात! हजारो वर्षांच्या कातळशिल्पांचे अस्तित्व धोक्यात, 30 पैकी उरली फक्त 5 शिल्पे; प्रशासनाचे दुर्लक्ष

ओरोस (सिंधुदुर्ग) : ‘गावराई सडा (ता. कुडाळ) येथील हजारो वर्षांचा कातळशिल्पांचा अमूल्य वारसा चिरेखाणींच्या विळख्यात सापडला असून, एकेकाळी अस्तित्वात असलेल्या २५ ते ३० कातळशिल्पांपैकी आता केवळ पाच-सहा शिल्पेच शिल्लक राहिली (Konkan prehistoric rock art conservation) आहेत. वारसा संवर्धनाकडे प्रशासनाचे दुर्लक्ष होत आहे,’ असा आरोप कातळशिल्प संशोधक सतीश लळीत यांनी केला.