सावंतवाडी - येथील बाजारपेठेमध्ये थेट बागायतदारांकडून मोठ्या प्रमाणात हापूस आंबा विक्रीसाठी दाखल होत आहे. पहिल्या टप्प्यातील हा आंबा सद्यस्थितीत साडेचारशे ते सहाशे अशा दराने विकला जात आहे; मात्र असे असले तरी हापूसपेक्षा गोवा मानकूर या आंब्याला बाजारपेठेमध्ये चांगला दर मिळत आहे. हा दर पुढील काही दिवस असाच कायम राहणार असल्याचेही बागायतदारांकडून सांगण्यात येत आहे.