पंधरा हजार नागरिकांनी अनुभवले 'हे' ४२ चित्ररथ...

साडवली (रत्नागिरी) : देवरुख शहराची ग्रामदेवता श्री देवी सोळजाई मंदिर देवस्थानचा जीर्णोद्धार पाचवा वर्धापन दिन दोन दिवस विविध कार्यक्रमांनी साजरा झाला.शनिवारी देवी यज्ञ झाला व रविवारी सकाळी शहरातील ४२ वाड्यांमधील पंधरा हजार नागरिकांनी शहरातुन शोभायाञा काढली. देवी सोळजाईची प्रतिमा रथात ठेवून शोभायाञा काढण्यात आली.
या शोभायाञेत ४२ चिञरथ सामिल झाले.

धार्मिक,पौराणिक,ऐतिहासिक,आधुनिक,पर्यावरण आदि विविध विषयांवर जिवंत देखाव्यांचे सादरीकरण करण्यात आले.जवळपास तीन कि.मी.चा हा प्रवास झाला.लेझिम,झांजपथक,ढोल,ताशे यांचा दणदणाट शोभायाञेत पहायला मिळाला.शिस्तबद्घ व एकोपा,सामाजिक बांधिलकी जपणारी अशी ही शोभा याञा झाली.देवी सोळजाईच्या या शोभायाञेत मशिदीजवळ मुस्लीम बांधवांनी भाविकांना लाडु वाटप करुन सर्व धर्म समभाव उक्तीची प्रचिती दाखवून दिली.या भुमिकेचे भाविकांनी स्वागत केले.

हेही वाचा- तिला द्यायचा होता कुटुंबाला आधार ; मात्र अखेर तिला मृत्यूने गाठले

मंडळांचा सहभाग उत्स्फूर्त..

मधली आळी बाजारपेठ संकल्प मिञमंडळाने यावर्षी चौका चौकात स्वागत कमान्या उभारल्या होत्या.गुढ्या, तोरणे उभारुन पताकांनी परीसर सजवला होता.सोळजाई देवी रथावर पुष्पवृष्टी केली व भाविकांना सरबत वाटप केले.ही बाब भाविकांना चांगली भावली.ठिकठिकाणी विविध संस्था ,मंडळांनी पाणी व सरबत वाटप केले.

हेही वाचा- ऐन काजू हंगामात आला हा आजार ; उपायासाठी वाचा....

सर्व धर्म समभावाचा संदेश
या शोभायाञेत खालची आळी जय हनुमान प्रासादिक मिञमंडळाच्या कार्यकर्त्यांनी शोभायाञेत पाठी शेवट राहून सर्व मार्गावरील कचरा गोळा केला.यासाठी त्यांनी वेगळी गाडी सोबत ठेवली होती.पाणी,सरबताची ग्लासे व इतर खाद्यपदार्थांच्या रॅपरचा कचरा या मंडळाने उचलुन चांगले अभियान राबवले.देवस्थानचे अध्यक्ष बापु गांधी यांनी सर्व भाविकांचे आभार मानले.