आंब्याच्या गाडी बसुन मुंबईतील चारकमानी थेट कोकणात... 

A government pass has been given to certain vehicles for transporting mangoes to Mumbai
A government pass has been given to certain vehicles for transporting mangoes to Mumbai

वेंगुर्ले - मुंबईला आंबा वाहतुक करण्यासाठी ठराविक वाहनांना शासकीय पास देण्यात आला आहे. या गाडीमधून चालकाने परत येताना मुंबईतून आपले नातेवाईक किंवा अन्य व्यक्ती घेऊन येण्यास बंदी आहे. मात्र वेंगुर्ल्यात आंबा वहातूक वाहनातून दोघांना आणल्याचा प्रकार घडल्याची जोरदार चर्चा आहे. त्या अनुषंगाने त्या चालकाचा व आलेल्या चाकरमान्यांचा शोध पोलीस यंत्रणेने सुरु केला आहे.

सध्या देशात कोरोना विषाणूमुळे सर्वत्र भीतीचे वातावरण आहे. त्यामुळे देश लॉकडाऊन करण्यात आला आहे. असे असताना जीवनावश्यक वस्तू बाजारात ठराविक वेळेत उपलब्ध करून देण्यात आल्या आहेत. मात्र सिंधुदुर्ग जिल्ह्यातील हापूस आंब्याचा हंगाम सुरु असल्याने आपला आंबा जिल्ह्यातुन मुंबईत नेण्यासाठी परवानगी मिळावी अशी मागणी बागायतदारांकडून होत होती. त्याचा विचार करुन शासनाने आंबा वाहतुकीसाठी परवानगी देऊन वाहतूक करणा-या गाड्यांना शासकीय पास देण्यात आले आहेत.

बागायतदारांनी आपल्या नेमलेल्या गाडीतून आपला आंबा मुंबई बाजारात पाठवायचा आणि पुन्हा येताना रिकामी गाडी माघारी आणायची. मात्र या गाडीतून सध्याची परिस्थिती पाहता व लॉकडाऊन लक्षात घेता कोणतीही प्रवासी वाहतूक करता नये. त्याचबरोबर आपल्या नातेवाईकांना आणण्यासही बंदी आहे. असे असताना वेंगुर्ला येथून मुंबईला गेलेल्या एका गाडीतून माघारी येताना चालकाने आपले नातेवाईक मागील बाजूला बसवून आणले असल्याची पुढे आले आहे. काही जागरुक नागरीकांकडून या शहरात नाक्यानाक्यावर जोरदार चर्चा सुरू झाली. ही बाब वेंगुर्ला तहसिल प्रशासनाच्या कानावर आल्याने त्यांचा शोध घेऊन त्याबाबतचा अहवाल तात्काळ देण्याचे आदेश तहसिलदार यांनी पोलीस स्टेशनला दिले आहेत.

 दरम्यान, या बाबत पोलीस निरीक्षक तानाजी मोरे यांचेशी संपर्क साधला त्यांच्याकडून या बाबतची खातरजमा सुरू आहे. जे लोक आले असतील त्या संबधितांकडून संपूर्ण माहिती घेण्याबरोबरच त्यांची वैद्यिकय तपासणीही करून घेण्यात येईल असे स्पष्ट केले. तसेच अशाप्रकारे बेजबाबदार वागणा-या चालकावर व आंबा आणि भाजी वाहतूक वाहन पास घेणा-यावर सिंधुदुर्गचे आर.टी.ओ. व वेंगुर्ला तहसिलदार यांच्याकडून कायदेशीर कारवाई करण्यात येणार असल्याचे सांगण्यात आले.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com