रत्नागिरी : ग्रामपंचायत निवडणुकीच्या मतमोजणीला रत्नागिरी जिल्ह्यात शांततेत सुरुवात झाली आहे. अनेक ठिकाणी शिवसेनेचे वर्चस्व दिसुन येत आहे. तालुक्यातील पहिल्या लॉटमध्ये जाहीर झालेल्या ११ ग्रामपंचायतींपैकी आठ ग्रामपंचायतींवर शिवसेनेचा भगवा फडकवला आहे. तर दोन ग्रामपंचायतीवर गावकऱ्यांचे वर्चस्व आहे. एक जागा त्रिशंकू असून दोन ठिकाणी निकाल टाय झाला आहे.
रत्नागिरी ग्रामपंचायत निवडणूक निकाल अपडेट -
कळझोनदी - प्रभाग १ : ६ पैकी ३ शिवसेना, प्रभाग २ : भाजप २, शिवसेना २, प्रभाग ३ : ३ शिवसेना
तसेच रामपूर माजी सभापती पप्या चव्हाण ग्रामपंचायत निवडणुकीत पराभूत झाले आहेत. सावर्डे माजी सभापती समीक्षा बागवे सदस्य म्हणून विजयी झाल्या आहेत. सावर्डेत पुन्हा एकदा आमदार निकम यांची सत्ता आली असुन सर्व ९ जागा आमदार निकम गटाने जिंकल्या आहेत. त्याचप्रमाणे सती चिंचघरी येथे सत्तांतर झाले असुन राजाभाऊ चाळके या गटाने एकहाती सत्ता प्रस्थापित केली आहे. इकडे अडरेत मात्र सत्ताधाऱ्यांचा सुफडा साफ झाला आहे. ९ विरुद्ध ० असा निकाल लागला असुन माजी सरपंच विजय सुर्वे यांचे पॅनल पराभूत झाले आहेत.
संपादन - स्नेहल कदम
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.