रत्नागिरी - नवी मुंबई येथील बाजार समितीत हापूस आंब्यांच्या पेट्यांची बंपर आवक झाली आहे. सोमवारी (ता. ७) १ लाख हापूस आंब्यांच्या पेट्या दाखल झाल्या असून, त्यामध्ये ८० हजार पेट्या हापूस आंब्याच्या होत्या.
त्यामध्ये सर्वाधिक पेट्या रत्नागिरी, सिंधुदुर्ग जिल्ह्यातील आहेत. तर उर्वरित २० हजार पेट्या परराज्यातील आंब्यांच्या आहेत. पेट्यांच्या संख्या वाढल्यामुळे हापूसचे दर ३५०० ते ४ हजार रुपयांपर्यंत खाली आले आहेत. दर कमी आल्यामुळे बागायतदार नाराज आहेत.
हंगामाच्या सुरुवातीला पहिल्या व दुसऱ्या टप्प्यात अपेक्षित मोहर आला नाही. त्यामुळे यंदा फेब्रुवारी, मार्च महिन्यांत हापूसचे उत्पादन कमीच राहिले. परिणामी, बाजारातील हापूसच दर पाच डझनाच्या पेटीला ६ ते ८ हजार रुपये होता. गुढीपाडव्यालाही बाजारातील आवक कमीच होती. त्या वेळीही दर पेटीला ६ हजार रुपायंपर्यंतच राहिला.
मागील पंधरा दिवसांत अवकाळी पावसाने हजेरी लावल्यानंतर उष्माही अधिक वाढला. परिणामी हापूस वेगाने तयार होऊ लागला आहे. त्यामुळे बाजारातील पेट्यांची संख्याही वाढलेली आहे. हंगाम सुरू झाल्यानंतरच्या दोन महिन्यांत प्रथमच ८० हजार पेटी हापूस कोकणातून वाशी बाजारात दाखल झाला आहे.
त्यामध्ये रायगडमधून अत्यल्प असून सर्वाधिक पेट्या रत्नागिरी, सिंधुदुर्गमधीलच आहेत. दर्जेदार फळाच्या पेटीला सर्वाधिक ४ हजार रुपये दर मिळत आहेत. डागी आंब्याला पेटीचा दर एक हजार रुपये आहे. या वर्षी राजापूर तालुक्यातून सर्वाधिक आंबा बाजारात दाखल होत असल्याचे व्यावसायिकांनी सांगितले.
नैसर्गिकरित्या पिकवलेल्या आणि दर्जेदार हापूसला थेट ग्राहकांकडून डझनाला एक हजार रुपये आणि पाच डझनाच्या पेटीला ५ ते ६ हजार रुपये दर मिळत आहे. सध्या बेंगलोर, गोवा, हैदराबाद, नागपूर येथे हापूसच्या पेट्या पाठवीत आहोत. ग्राहकांकडून प्रतिसाद आह, अशी प्रतिक्रिया बागायतदार जयवंत बिर्जे यांनी व्यक्त केली. हापूसची आवक वाढत असून आखाती देश, युरोप, अमेरिकेत मोठ्या प्रमाणात निर्यात सुरू आहे.
हापूसची दुसऱ्या टप्प्यातील आवक सुरू
पुणे - कोकणतील नव्या बहरातील आंब्याची आवक आता वाढू लागली असून, पुणे बाजार समितीमध्ये आंब्याला प्रति डझन ५०० ते ६०० रुपये दर मिळत आहे. गुढीपाडव्याला आंब्याचे दर तुलनेने जास्त होते. हे दर प्रति डझन १२०० ते १५०० रुपये होते. मात्र आता दुसऱ्या मोहराच्या आंब्याची आवक सुरू झाली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.