Konkan Rain: बांद्यात विजांच्या गडगडाटासह मुसळधार पाऊस

बांदा (कोल्हापूर) : बांदा (Bandha) शहर व परिसराला दुपारी विजांच्या गडगडाटासह मुसळधार अवकाळी पावसाने झोडपून काढले. अचानक कोसळलेल्या पावसाने भात कापणी करणाऱ्या शेतकाऱ्यांची चांगलीच तारांबळ उडाली. दिवाळी (Diwali)खरेदीसाठी शहरात आलेल्याना देखील अवकाळी पावसाचा सामना करावा लागला.

दिवाळी तोंडावर आल्याने बांदा परिसरात शेतकऱ्यांची भात कापणीसाठी लगबग सुरू आहे. मात्र आज दुपारी दीड वाजण्याच्या सुमारास अचानक अवकाळी पावसाने झोडपण्यास सुरुवात केल्याने शेतकऱ्यांची भातपिक वाचविण्यासाठी तारांबळ उडाली.

शहरातील किरकोळ भाजी विक्रेत्यांना अवकाळी पावसाचा फटका बसला. खरेदीसाठी बाजारात आलेल्या ग्राहकांना देखील पावसाचा फटका बसला. तब्बल एक तास पावसाची संततधार सुरू होती. विजा चमकत असल्याने शहरातील विद्युत पुरवठा खंडित करण्यात आला होता.