सावंतवाडी : तालुक्यात वादळी वाऱ्यासह मुसळधार पावसाने ग्रामीण भागाला झोडपून काढले आहे. सोसाट्याच्या वाऱ्यामुळे अनेक घरांचे, गोठ्यांचे नुकसान झाले आहे. झाडे उन्मळून वीज तारांवर पडल्याने नुकसान झाले आहे. परिणामी ग्रामीण भागातील काही गावात दोन दिवसापासून वीज पुरवठा खंडित आहे. पावसामुळे नदी, नाले दुथडी भरून वाहत आहेत. परिणामी पुराच्या पाण्यामुळे काही ठिकाणचे वाहतूक मार्गही बंद झाले आहेत.
गेल्या तीन दिवसापासून सावंतवाडी तालुक्यामध्ये पावसाने जोर धरला असून वादळी वाऱ्यासह कोसळणाऱ्या पावसामुळे अनेक ठिकाणी पडझड होऊन स्थावर मालमत्तेसह वीस जणांचे मोठ्या प्रमाणावर नुकसान झाले आहे. यामध्ये ग्रामीण भागामध्ये मोठा फटका बसला असून अनेकांच्या घरांचे छप्परासह पडवी, गोठ्यांचे नुकसान झाले आहे.
मंगळवारी रात्रभर सुरु असलेल्या वाऱ्यामुळे काही ठिकाणी रस्त्यावर झाडे उन्मळून पडली आहेत. त्यामुळे बराच काळ वाहतूक ठप्प होती. तालुक्यातील मळेवाड नदीला पूर आल्याने नदीलगतच्या भातशेतीत पाणी शिरले आहे. तर काही ठिकाणी नदीवर असलेल्या पुलावरुन पाणी वाहत असल्याने वाहतुक काही काळ ठप्प होती. पावसामुळे एकुणच जनजीवन विस्कळीत झाले आहे.
संपादन - स्नेहल कदम
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.