एकीकडे वडिलांची अंत्ययात्रा सुरू; आणि दुसरीकडे तिचा बारावीचा निकाल जाहीर | Sakal
sakal

बोलून बातमी शोधा

mangesh waghmare
एकीकडे वडिलांची अंत्ययात्रा सुरू; आणि दुसरीकडे तिचा बारावीचा निकाल जाहीर

एकीकडे वडिलांची अंत्ययात्रा सुरू; आणि दुसरीकडे तिचा बारावीचा निकाल जाहीर

पाली - एकीकडे वडिलांची अंत्ययात्रा सुरू होती. आणि दुसरीकडे तिचा बारावीचा निकाल जाहीर झाला. एवढंच काय तर बारावीच्या परीक्षेत तिने तिच्या कनिष्ठ महाविद्यालयात प्रथम क्रमांक मिळविला. मात्र मुलीचे हे यश पहायला वडील उपस्थित नव्हते. किंबहुना वडिलांच्या निधनाने त्या मुलीनेही तिचा निकाल पाहिला नव्हता.

सुधागड तालुक्यातील हातोंड येथील रहिवासी सम्यक क्रांती विचारमंचचे संस्थापक अध्यक्ष, वंचित बहुजन आघाडीचे जेष्ठ नेते व सुधागड तालुक्यातील जेष्ठ पत्रकार मंगेश वाघमारे यांचे मंगळवारी (ता. 7) रात्री अपघाती निधन झाले. त्यांची अंत्ययात्रा बुधवारी (ता. 8) दुपारी काढण्यात आली. याचवेळी बारावीचा निकाल जाहीर झाला. वाघमारे यांची मुलगी विदीशा हिने पालीतील ग. बा. वडेर हायस्कुल व व. ग. ओसवाल कनिष्ठ महाविद्यालयातून कला शाखेतून प्रथम क्रमांक मिळविला. तिला तब्बल 83.67 टक्के मिळाले. मात्र मुलीचे हे यश पाहण्यासाठी वडील हयात नव्हते. एकीकडे बारावीचा निकाल आणि दुसरीकडे वडिलांची अंत्ययात्रा अशी विलक्षण परिस्थिती पहायला मिळाली. यामुळे तिच्या शिक्षकांसह संपूर्ण तालुक्यातील नागरिकांनी हळहळ व्यक्त केली. आपल्या मुलीने खूप शिकावे यासाठी मंगेश वाघमारे खूप प्रयत्नशील होते. नियमित ते मुलीला कॉलेजमधून न्यायला व आणायला येत असत. मात्र मुलीचे हे यश त्यांना पहायला मिळाले नाही.

Web Title: Hsc Result Announced Father Funeral

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
go to top