- कैलास म्हामले
कर्जत - रायगड जिल्ह्यातील कर्जत-नेरळ-कल्याण या राज्य महामार्गावर गुरुवारी (४ जुलै) सायंकाळी साडेचारच्या सुमारास झालेल्या एका भीषण अपघातात दुचाकीवरील पती-पत्नीचा मृत्यू झाला आहे. भरधाव वेगाने येणाऱ्या आयशर टेम्पोने समोरून दुचाकीला जोरदार धडक दिल्याने ही दुर्घटना घडली. धडक इतकी जबरदस्त होती की दुचाकी थेट टेम्पोखाली अडकली आणि दोघेही गंभीर जखमी झाले.