वाळू उत्खननावर रेडीत छापा 

illegal sand storage Action reddi konkan sindhudurg
illegal sand storage Action reddi konkan sindhudurg

वेंगुर्ले (सिंधुदुर्ग) - तालुक्‍यातील रेडी खाडीत तरवाडी, पिळणकरवाडी, सौदागरवाडी येथे अवैध वारेमाप वाळू उत्खनन व वाहतूकीबाबत महसूल विभागाने छापा टाकला. कारवाईचा सुगावा लागल्याने वाळू काढायच्या होड्या किंवा कामगार सापडले नाहीत; परंतु तेथे कामगारांसाठी बांधलेली झोपडी, वाळू काढण्यासाठी तयार केलेले तुटलेले रॅम्प दिसून आले. त्याची पंचयादी बनविल्याने वाळू काढणाऱ्यांचे धाबे दणाणले आहेत. 

रेडी खाडीत मागील एक वर्षापासून स्थानिक वाळू तसकऱ्यांकडून मोठ्या प्रमाणात अवैध वाळू उत्खनन सुरु होती. याबाबत त्यांचेवर कारवाई व्हावी यासाठी भारतीय भ्रष्टाचार निवारण संस्थेच्यावतीने महसूल अधिकारी, महाराष्ट्र मेरिटाईम बोर्डाचे अधिकारी, मंडळ अधिकारी, पोलीस व तलाठी यांना वेंगुर्ले तहसीलदार प्रविण लोकरे यांच्याकडे पत्रव्यवहार करण्यात आला होता. त्याची दखल घेऊन ही कारवाई करण्यात आली. यावेळी शिरोडा येथील मंडळ अधिकारी भानुदास चव्हाण, शिरोडा तलाठी फिरोज खान, रेडी तलाठी सोळंखी, रेडी कोतवाल कनयाळकर, गांधीनगर कोतवाल परब, रेडी पोलीस नाईक आदी उपस्थित होते. 

यापुढेही कडक कारवाई 
यापुढे रेडी खाडीत अवैध वाळू उत्खनन व वाळू वाहतूक रोखण्यासाठी जिल्हाधिकारी, सिंधुदुर्ग यांच्या आदेशान्वये कडक कारवाई करण्यात येणार असल्याचे तहसीलदार प्रविण लोकरे यांनी सांगितले. या संयुक्त कारवाईमुळे प्रांताधिकारी सुशांत खांडेकर व तहसीलदार लोकरे यांचे संस्थेच्यावतीने आभार व्यक्त केले असल्याचे संस्थेचे सीईओ राजन रेडकर यांनी सांगितले. 

संपादन - राहुल पाटील

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com