सर्वसमावेशक नेतृत्व म्हणजेच गोपीनाथ मुंडे

- Rat६p१८.jpg -
P२४M८८३२८
मंडणगड ः लोकनेते गोपीनाथजी मुंडे यांच्या प्रतिमेस पुष्पहार अर्पण करताना मान्यवर.

सर्वसमावेशक नेतृत्व म्हणजेच
गोपीनाथ मुंडे ः डॉ. परहर

सकाळ वृत्तसेवा
मंडणगड, ता. ६ ः स्व. गोपीनाथ मुंडे यांच्यासारख्या तळागाळातून उगवलेल्या नेतृत्वाची आज महाराष्ट्राला नितांत गरज आहे. मुंडेंसारखा तडाखेबंद लोकनेता कुठेच दिसत नाही. खऱ्या अर्थाने महाराष्ट्राचे भले करणारे सर्वसमावेशक नेतृत्व म्हणजेच लोकनेते गोपीनाथजी मुंडे होय, असे उपप्राचार्य डॉ. वाल्मिकी परहर यांनी सांगितले.
सावित्रीबाई फुले शिक्षण प्रसारक मंडळाच्या लोकनेते गोपीनाथजी मुंडे कला, वाणिज्य व विज्ञान महाविद्यालयात लोकनेते गोपीनाथजी मुंडे यांचा स्मृतिदिन उत्साहात साजरा करण्यात आला. या कार्यक्रमाला महाविद्यालयाचे प्रभारी प्राचार्य डॉ. दगडू जगताप, संस्थेचे कोषाध्यक्ष रवींद्रकुमार मिश्रा, सहकोषाध्यक्ष सुनील मेहता, संचालक वैभव कोकाटे, उपप्राचार्य डॉ. वाल्मिक परहर, डॉ. धनपाल कांबळे, नितीन मेहता आदी उपस्थित होते. कार्यक्रमाच्या सुरवातीला लोकनेते गोपीनाथजी मुंडे यांच्या प्रतिमेला मिश्रा यांनी पुष्पहार अर्पण करून अभिवादन केले. तत्पूर्वी डॉ. धनपाल कांबळे यांनी उपस्थितांचे स्वागत केले तर डॉ. दगडू जगताप यांनी कार्यक्रमामागील उद्देश स्पष्ट केला.